Modric te Milan: është vërtet një “zgjedhje ekstravagante”, siç thotë Sacchi?

Mosha nuk është më një limit

Sacchi duket se e lexon blerjen e mundshme të kroatit si një hap prapa, një përjashtim nga futbolli dinamik dhe modern. E megjithatë, pikërisht Real Madridi ka treguar se si mosha anagrafike mund të jetë e parëndësishme kur është inteligjenca futbollistike. Toni Kroos dhe Luka Modric e kanë dominuar mesfushën evropiane edhe përtej moshës tridhjetë e pesë vjeçe, pikërisht për të vërtetiar atë që futbolli modern nuk është vetëm vrap, por edhe mendje.

Të thuash që Modric te Milani është ekstravagancë do të thotë të injorosh një të vërtetë më të gjerë: sot vlera e një lojtari nuk matet më vetëm me kilometrat e përshkuara, por me kualitetin e zgjedhjeve, në vizionin dhe në lidershipinin.

Një figurë simbolike për një Djall ambicioz

Është edhe një aspekt simbolik aspak për t’u nënvlerësuar. Milani është në një fazë konsolidimi dhe ambiciesh, me objektivin për t’u rikthyer që të jetë një protagonist i qëndrueshëm së pari në Serie A dhe më pas në Evropë. Modric, me stilin e tij të matur dhe historinë e tij, do të ishte antiteza e “goditjes mediatike”. Ai do të ishte simboli i një Diavolo që dëshiron dhe po përpiqet të rritet përmes meritës, punës dhe vazhdimësisë teknike, jo me slogane, por me përmbajtje.

Nuk është ekstravagancë, është vizion

Të quash ekstravagante ardhjen e mundshme tëModric te Milan rrezikon të thjeshtosh një operacion që mund të rezultojë shumë racional. Ndoshta, më shumë se për ekstravagancë, duhet të flasim për guxim inteligjent. Ndaj dhe pikërisht vetë Sacchi, që ishte i guximshëm në propozimin e ideve të reja dhe revolucionare, duhet ta njohë potencialin evolutiv të një lëvizjeje të tillë.

Në fund të fundit, edhe në futboll, ashtu si në jetë, nuk është gjithmonë ekstravagante ajo që del jashtë skemave: ndonjëherë është thjesht largpamësi e maskuar si provokim.