Milani tashmë e ka zgjedhur trajnerin e ri: “Është një nga këta të pestë”

Prej ditësh në atmosferën kuqezi po qarkullon një zë përsa i përket stolit të Milanit: trajneri i ri tashmë është zgjedhur. Është kjo ajo që filtron nga ambjente shumë afër klubit kuqezi. Në fakt, kastingu i javëve të fundit ka ngjarë paksa i ekzagjeruar. Shumë, shumë emra të afruar, e ndër ta edhe ata që i kanë gjetur tashmë skuadrat të cilat do të drejtojnë: Lopetegui te West Ham, Amorim ka mbetur te Sporting i Lisbonës ashtu si Xavi te Barcelona, ​​Sergio Conceicao ende nuk ka vendosur, Farioli duket afër Ajaksit e kështu me rradhë.

E pikërisht për këtë arsye prej disa ditësh po përhapet një zë sipas të cilit trajneri i ardhshëm i Milanit do të ishte një Mister X i zgjedhur tashmë nga klubi me marrëveshje të përbashkët. Konfirmimi në lidhje me këtë lajm vjen edhe nga Maurizio Pistocchi, ish gazetari i njohur sportiv i Mediaset: “Më thonë se drejtuesit kuqezinj e kanë zgjedhur tashmë trajnerin e ri”, shkruan ai në profilin e tij X. Por lajmi është se Pistocchi e di edhe se si quhet dhe ka qenë vetë ai që e ka zbuluar disa kohë më parë nëpërmjet një tjetër postimi ku ka përmendur edhe pesë emra. “Trajneri i zgjedhur nga Milani është ndër ata që ka sugjeruar i poshtëshënuari,” përfundon ai. Por, le të shohim se cilët janë këto profile.

Milan, ja trajneri i ri: është mes tyre

Emri i parë në listën e Pistocchi përjashtohet menjëherë: është Xavi, i cili siç thamë tashmë ka zgjedhur të qëndrojë me Barcelonën. Opsioni i dytë bëhet më interesant, dhe është ai që tashmë edhe tifozët e tregojnë si më të duhurin në absolut për Milanin sot: bëhet fjalë për Roberto De Zerbi, sot te Brighton, i lidhur me klubin me një klauzolë me vlerë prej rreth 13 milionë euro. Nëse do të ishte vërtet ai, do të ishte një goditje e madhe – informacionet që kemi thonë se nuk ka pasur kontakte, por, të shohim.

Mbërrijmë kështu te emri i katërt, i cili është më i popullarizuari orët e fundit: bëhet fjalë çër Marco Rose, trajnerin aktual të Leipzig dhe ish-Borussia Dortmund. Trajner i përkryer në përputhje me atë që kërkon klubi: shumë i aftë si për nga pikëpamja taktike ashtu dhe në rritjen e të rinjve. Një punë ia ka arritur ta bëjë shumë mirë në galaktikën RedBull. Dy emrat e tjerë të përmendur nga Pistocchi janë pak më “ekzotikë”: Inamol Alguacil, autor i një pune të shkëlqyer vitet e fundit te Real Sociedad (për informacion pyesni Interin e Simone Inzaghit) dhe së fundi Jacob Neestrup i Kopenhagen, i konsideruar edhe një nga trajnerët më interesantë (dhe ai është vetëm 36 vjeç). Me pak fjalë, sipas asaj që thotë gazetari, trajneri i zgjedhur është një nga këta pesë. Por, për kë bëhet fjalë?