Të premten, më 2 janar 2026, rihapet zyrtarisht merkatoja e dimrit dhe Milani i Massimiliano Allegrit nuk ka ndërmend të qëndrojë duarkryq.
Janari i së vërtetës: Milani hyn fuqishëm në merkato
Edhe pse Kupa e Italisë dhe Superkupa janë tashmë pas, Serie A mbetet një objektiv real dhe ambicioz për kuqezinjtë, që po zhvillojnë një sezon shumë pozitiv.
More Read
Për këtë arsye, drejtuesit e klubit – administratori Giorgio Furlani, drejtori teknik Geoffrey Moncada dhe drejtori sportiv Igli Tare – janë vënë në lëvizje me shpejtësi për t’i dhënë Allegrit një skuadër edhe më konkurruese. Përforcimi i organikës nuk është më opsion, por domosdoshmëri.
Füllkrug dhe jo vetëm: sulmi merr formë
Milani ka goditur që para hapjes zyrtare të merkatos, duke siguruar shërbimet e Niclas Füllkrug.
Sulmuesi gjerman, i lindur në vitin 1993, ka ardhur nga West Ham në huazim falas me të drejtë blerjeje prej 5 milionë eurosh.
Një “9” klasike, i fortë fizikisht dhe i rrezikshëm në zonë, që i mungonte prej kohësh Milanit.
Ish-lojtari i Borussia Dortmund dhe Werder Bremen pritet t’i japë më shumë peshë ofensivës dhe të ndihmojë yje si Christian Pulisic dhe Rafael Leão.
Por merkatoja Milan në sulm mund të mos mbyllet këtu: ideja është të ndërtohet jo vetëm për të tashmen, por edhe për të ardhmen.
Talente, largime dhe pista surprizë: merkato e hapur deri në fund
Një tjetër emër në orbitën kuqezi është Andrej Kostić, sulmuesi i ri malazez i vitlindjes 2007, që aktivizohet te Partizani i Beogradit.
Pavarësisht moshës së re dhe rolit jo gjithmonë titullar, ai ka një mesatare golash mbresëlënëse në kampionatin serb.
Milani po negocion me agjentin e tij, Darko Ristić, i njëjti që përfaqëson edhe Dushan Vlahović, me të cilin kuqezinjtë shohin nga e ardhmja, konkretisht nga 1 korriku 2026.
Nga ana tjetër, situata e Christopher Nkunku mbetet e hapur.
Nëse mbërrin një ofertë e kënaqshme prej rreth 35 milionë eurosh, francezi mund të largohet, me Galatasaray dhe Fenerbahçe që po vëzhgojnë nga afër. Një shitje e tillë do t’i lejonte Milanit të realizonte edhe një plusvalencë të vogël.
Në rast largimi, vëmendja spostohet te emra të rinj: është folur për Gabriel Jesus dhe Franculino, por në orët e fundit ka dalë në skenë edhe pista Nicolas Jackson.
Sulmuesi senegalez, aktualisht te Bayern Monaco në huazim nga Chelsea, po gjen pak hapësira dhe mund të ndryshojë skuadër në janar. Marrëdhëniet e mira mes Milanit dhe Chelsea-t mund të bëjnë diferencën.
Deri më 2 shkurt 2026, gjithçka mbetet e hapur. Dhe një gjë është e sigurt: merkatoja e Milanit premton surpriza dhe ambicie të mëdha.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
