Të hënën, më 1 shtator ora 20:00 mbyllet fushata e blerjeve verore.
Milani, pas humbjes kundër Cremoneses në debutimin në kampionat, rikthehet në fushë të premten në mbrëmje kundër Lecces në Via del Mare përpara pushimit për shkak të ndeshjeve të kombëtareve.
Rafael Leao, i dëmtuar kundër Barit në Kupën e Italisë, është ende në dyshim: do ta zbulojmë ditët e ardhshme nëse do të jetë në gjendje të rikthehet apo jo, por ka të ngjarë që Allegri në fund fare të zgjedhë për të mos e rrezikojë nga minuta e parë.
Lexo më shumë
Në vend të tij, pra akoma besim për Santiago Gimenez, pavarësisht performancës jo aq të shkëlqyer (si ajo e gjithë skuadrës) të shtunën e kaluar; përkrah meksikanit do të vazhdojë Christian Pulisic, ndërsa mund të vendoset në pankinë blerja e re Conrad Harder, nëse arrihet të plotësohen të gjitha dokumentet e nevojshme në kohë për grumbullim (pritet të mbërrijë të enjten).
E vështirë, por jo e pamundur. Kjo do të thotë që, për sa i përket repartit sulmues, zgjedhjet e Allegrit janë shumë të kufizuara, madje edhe ato nga stoli. Për këtë arsye, një shitje e mundshme është vënë në stand-by, të paktën deri të premten.
Chukwueze-Fulham, bllokohet shitja
Samuel Chukwueze është një nga ata lojtarë që Milan e ka nxjerrë në merkato që nga fillimi i verës.
Pasi zhgënjeu edhe për të dytin sezon radhazi (dhe sigurisht jo vetëm për faj të tij), klubi ka rreshtur së besuari tek ai, e madje edhe Allegri nuk duket plotësisht i bindur për karakteristikat e tij, pavarësisht se e futi në lojë kundër Cremonese të shtunën e kaluar.
Ja pse shitja është bllokuar
E bëri këtë sepse nuk ka alternativa të tjera, ashtu siç ka të ngjarë të mos ketë asnjë edhe të premten nëse nuk rikthehet Leao dhe Harder nuk do të jetë pjesë e grupit.
Ja pse, për momentin, Milan e ka vënë në pauzë largimin e mundshëm të nigerianit. Mbi të është gjithmonë Fulham, i interesuar për lojtarin që gjatë merkatos së riparimeve dimërore, të janarit: patën bërë një përpjekje gjatë orëve të fundit të asaj merkatoje, por nuk kishte më kohë të mjaftueshme për të finalizuar marrëveshjen.
U përpoqën përsëri këtë verë, dhe pista është dhe do të mbetet gjallë deri në fund të merkatos, por se do të diskutohet përsëri pas ndeshjes kundër Lecces.
Allegri do që ta ketë në dispozicion për ndeshjen në Via del Mare, sepse ai përfaqëson një nga opsionet e pakta që mund të luajë gjatë ndeshjes.
Gjithçka pra është shtyrë deri në week-end: mundësitë që Chukwueze të largohet nga Milani janë të larta dhe në atë pikë Rossonerët mund të marrin në konsideratë një tjetër blerje në sulm.
