Në casa Milan tema kryesore mbetet trajneri i ri. Stefano Pioli është tashmë në ndeshjet e tij të fundit me Djallin. Pas shumë e shumë emrave, kuqezinjtë e gjejnë veten ende në kërkim të profilit të duhur. Janë pa fund dhe nga më të çuditshmit emrat që qarkullojnë për stolin e Djallit.
Trajneri i ri, Milani kontakte me Tuchel
Një tjetër kandidat për t’u bërë trajneri i ardhshëm i Milanit mund të jetë Thomas Tuchel. Trajneri aktual i Bayern Munich ka konfirmuar se do të largohet nga gjermanët në fund të sezonit. “Kjo është konferenca ime e fundit për shtyp si trajner i Bayern Munich. Kemi patur kontakte për të parë nëse mund të vazhdojmë së bashku, por nuk kemi arritur në një marrëveshje prandaj vendimi i marrë në shkurt mbetet”. Këto janë fjalët në prag të ndeshjes së Bundesligës kundër Hoffenheim. Siç raportohet nga SportMediaset, Tuchel do të ishte kontaktuar nga Milani, por diskutimet do të ishin ndalur menjëherë. Kërkesa për pagë i kishte tërhequr kuqezinjtë. Tuchel do të donte deri në 12 milionë në sezon.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
