Milan, thasë me para të freskëta nga Arabia Saudite: çfarë po ndodh në shtëpinë kuqezi?

Arabia Saudite po investon shumë në sport dhe padyshim që futbolli është një nga sektorët në të cilin po investon më së shumti. Sigurimi i Superkupës së Italisë që të luhet në kryeqendrën saudite është një nga operacionet e kryera vitet e fundit.

Për edicionin e fundit, marrëveshja parashikonte që Lega Serie A të arkëtonte në total 23 milionë euro. Nga këto para, 16.2 milionë u ndanë mes katër pjesëmarrësve (Milan, Inter, Atalanta dhe Juventus). Milani, si skuadra fituese e trofeut, arkëtoi shumën më të madhe: 8 milionë. Këtyre i duhen shtuar edhe 1.5 milionë të tjera lidhur me të drejtat televizive dhe sponsorët, pra një fitim total prej 9.5 milionësh që sigurisht është i bën mirë bilancit të klubit kuqezi.

Arabia Saudite është një vend në të cilin Serie A shpreson të tërheqë gjithnjë e më shumë interes, në mënyrë që të marrë partneritete që mund të sjellin para. Për momentin, asnjë klub i kampionatit italian nuk është në duart e Arabisë Saudite, pavarësisht disa zërave që kanë qarkulluar vitet e fundit. Shumë do të sjellin ndërmend ato zëra që kanë të bëjnë me ardhjen e mundshme të fondit sovran PIF si aksioner i minorancës te Milan. Sigurisht, kjo nuk do të thotë se nuk mund të ndodhë në të ardhmen.

Në pritje të zhvillimeve të tjera në frontin koorporativ, Milani është gati të arkëtojë 1.5 milionë euro nga Arabia Saudite. Siç kanë zbuluar kolegët e të përditshmes sportive La Gazzetta dello Sport, do të ishte vendosur që të ushtrohej opsioni i “paketës” që ka të bëjë me fitoren e Superkupës së Italisë. I cili përfshinte mundësinë për të luajtur një ndeshje miqësore kundër fituesit të Superkupës së Arabisë Saudite në fund të sezonit.

Sigurisht, zgjedhja është pjesë e strategjisë së zgjerimit të markës Milan në Arabinë Saudite dhe në përgjithësi në Lindjen e Mesme, ku numërohet mbi 35 milionë tifozë. Klubi ka edhe një seli në Dubai, një tjetër lëvizje e rëndësishme e bërë vitet e fundit. Entuziazmi i parë rreth skuadrës gjatë ndeshjeve të Superkupës së Italisë e ka shtyrë klubin të kontaktojë me organizatorët vendas për të dhënë gatishmërinë e tyre për t’u rikthyer në tokën saudite pas disa muajsh.

Me shumë mundësi, ndeshja do të luhet sërish në Riad, ku ndodhet i vetmi stadium i mbyllur, thelbësor për të luftuar vapën që do të jetë e pashmangshme në fund të sezonit.