Zgjedh paratë dhe shkon në Arabinë Saudite. Nga Milani në Al Ittihad. Hapi është i shpejtë dhe shumë i shkurtër… Stefano Pioli, ish-trajneri i klubit të rrugës Aldo Rossi po përgatitet të rikthehet menjëherë në pankinë. Por, jo në Premier League, siç bëri të ditur vetë trajneri gjatë konferencës së fundit për shtyp para lamtumirës së tij. Pioli, siç raporton Sky Sport, në të vërtetë është në detajet e fundit me Al Ittihad.
Klubi saudit e përfundoi i pesti kampionatin e kaluar dhe dëshiron të provojë ta përmirësojë pozicionin e tij, ndoshta duke u përpjekur të luftojë për kampionat. Kështu, pas lamtumirës së argjentinasit Marcello Gallardo, emri i të cilit gjithashtu ishte i afruar me Milanin, sauditët shtuan kontaktet me Piolin dhe tani jemi vërtet në detaje. Marrëveshja do ta shihte kështu trajnerin emilian të largohej nga Italia pas eksperiencave të tij në Parma, Chievo, Bolonja, Palermo, Bologna, Lazio, Inter, Fiorentina dhe Milan.
Stefano Pioli po përgatitet, pra, për një aventurë të re larg Serie A. Për trajnerin emilian, Al Ittihad është gati të bëjë një kontratë me vlerë rreth 10/15 milionë euro neto në sezon. Ku ish trajneri i Milanit do të duhet të drejtojë lojtarë të kalibrit të Benzema, Kante dhe Fabinho.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
