Milan, s’mund të humbim më kohë. Pankina: në lojë edhe Conte dhe Allegri

Në protestën e fortë, por civile, të popullit milanist, fillimisht në Casa Milan e më pas në San Siro, dje më në fund u mbyll sezoni i dështuar i Djallit, që vitin tjetër nuk do të luajnë në asnjë kompeticion evropian. Me fitoren kundër Monzës, kuqezinjtë rreshtohen përfundimisht në vendin e shtatë, një pozicion me të cilin do të shmangnin ndeshjen për Kupën e Italisë në gusht, por do të duhet të presin edhe rezultatin e Fiorentinës që do të përballet me Udinesen sonte jashtë fushe.

TRAJNERI I RI – Por tani ka ardhur momenti të mendojmë menjëherë për të ardhmen sepse Milani nuk mund të humbasë më kohë. Sipas kolegëve të redaksisë sportive të të përditshmes së njohur gjeneraliste sportive Corriere della Sera, ditët në vijim do të shpallet më në fund edhe Drejtori i ri Sportiv, që do të jetë Igli Tare, i cili ka firmosur 2+1 sezone dhe do të përftojë 800 mijë euro neto në vit. Ish Lazio do të duhet të marrë menjëherë një vendim thelbësor shumë të rëndësishëm: kush do të jetë trajneri i ri që do të zëvendësojë Sergio Conceiçao-n? Zgjedhja e parë është Vincenzo Italiano, i cili megjithatë duket se është i vendosur të rinovojë kontratën me Bologna-n. Një emër tjetër që duhet hequr nga lista e Djallit është edhe ai i Roberto De Zerbi, që do të mbetet në Marseille.

EMRAT E NXEHTË – Në dhomat sekrete te klubit të rrugën Aldo Rossi e kanë kuptuar se nuk kanë nevojë për baste të tjera, por për siguri në stol dhe për këtë arsye emrat e nxehtë janë ato të Antonio Contes dhe Massimiliano Allegrit. I pari sapo ka fituar kampionatin dhe ditët në vijim do të takohet me De Laurentiis për të folur për të ardhmen. Mirëpo në gjurmët e tij  është edhe Juventusi që duket se është përpara Djallit. Ndërsa livernezi është gjithnjë i lirë dhe do të kishte shprehur tashmë gatishmërinë e tij për t’u rikthyer në Milanello, por një sy edhe nga Napoli, që po mendon për të në rast lamtumire të Contes. Midis trajnerëve pa skuadër është edhe Thiago Motta.