Akoma nuk ka mbaruar: Milani i ka të gjitha qëllimet që të mbyllë goditje e tjera merkatoje përpara përfundimit të kësaj seksioni intensiv veror. Edhe dy të tjera, ndoshta tre, por shumë do të varet edhe nga shitjet që do të arrijë të kryejë klubi kuqezi.
Padyshim Pioli është absolutisht i kënaqur me punën e bërë deri më tani nga Furlani dhe Moncada, por ka ende disa kërkesa. Së pari: të shkurtohet organika e tejgjatë e skuadrës pa qenë e nevojshme të mbahen lojtarët jashtë projektit. Së dyti: edhe 2/3 blerje të tjera cilësore për të kompletuar në 100% çdo repart të skuadrës.
Lëvizjet e tjera merkato në mbërritje për Milanin: objektivat
Për shembull, sigurisht nuk është mister që Pioli do të donte të kishte në dispozicion një qendërsulmues të ri për t’u alternuar me Giroud, të vetmes puntë të vërtetë në organikë që trajneri kuqezi i beson verbërisht. Okafor vërehet më shumë si një alternativë e Leaos, Colombo është shumë interesant, por ende shumë i ri jo i gatshëm për disa lloj skenash të caktuara, ndërsa Origi është prej kohësh jashtë planeve të Milanit.
Megjithatë, përpara se të fundosin goditjen për një tjetër sulmues, drejtuesit do të duhet t’i gjejnë një strehë të re Colombos (në huazim) dhe një zgjidhje largimi për Origin, i cili së fundmi i ka refuzuar të gjitha ofertat e ardhura nga Arabia. Kështu, po punohet në këtë drejtim, por jo vetëm. Në fakt, është edhe një tjetër goditje në merkato për të cilën thuhet se Milani po punon gjatë këtyre orëve dhe që mund të mbyllet në fund të gushtit.
Nëse, siç thamë, për sulmin duhet të presim për një largimin e ndonjë teprice, e ndryshme është situata sa i përket mbrojtjes kuqezi. Para-sezoni i Milanit ka treguar një brishtësi në mbrojtje dhe reparti mund të ketë ndevojë për ndonjë ndryshim në qendër. Diçka që kuqezinjtë mund ta kishin bërë tashmë, meqenëse ka pasur edhe një shitje, ajo e Gabbias te Villarreal.
Lidhur me këtë, Tuttosport është shprehur me elokuencë duke shkruar: “Në axhendë është madje edhe ardhja e një qendërmbrojtësi italian përsa i përket listave”. Kuqezinjtë pra në të vërtetë do të kërkonin një mbrojtës qendre, edhe pse në realitet jo domosdoshmërisht italian, duke qenë se si zëvendës Theo mund të mbërrinte Calafiori. Ndaj vini re emrit që po qarkullon në Milano këto orë.
Sipas Gazzetta dello Sport, kuqezinjtë kanë nisur kontaktet për 21-vjeçarin irlandez Andrew Omobamidele të Norwich. Kohët për të formalizuar aferën do të ishin shumë të ngushta, por Milani po përpiqet dhe mund ta mbyllë aferën në ditët e fundit të këtij sesioni merkatoje. Por nëse Furlani dhe Moncada dështojnë me mbylljen në kohë deri në fund të gushtit, atëherë goditja Omobamidele mund të shtyhet edhe për në merkaton e janarit të ardhshëm. Të shohim.
