Milani duket se është gati të zbresë në fushë nesër në mbrëmje në stadiumin San Siro për të sfiduar Juventusin. Ja kush do të jetë formacioni i kuqezinjve
Është vigjilje kampionati për Milanin e Paulo Fonsecës, i cili do të përballet nesër me Juventusin në ndeshjen e javës së trembëdhjetë të Serie A. Një sfidë për t’u fituar me çdo kusht për të mos humbur terren nga kreu i klasifikimit.
Trajneri portugez për këtë rast, është gati të mbështetet te skuadra e tij më e mirë. Sot është seanca e fundit stërvitore dhe për momentin nuk ka probleme kritike, me ish Lille, i cili mund të llogarisë të gjithë skuadrën në dispozicion, me përjashtim të pacientëve afatgjatë Ismael Bennacer dhe Alessandro Florenzi. Paulo Fonseca dhe e gjithë bota kuqezi shpresojnë ta shohin Milanin e admiruar në Bernabeu, në qëndrimin, karakterin dhe dëshirën për të fituar e luftuar. Por edhe djemtë që do të dalin në fushë të shtunën në orën 18:00 nuk do të jenë aq të ndryshëm nga ata që mundën Real Madridin e Carlo Ancelottit në Champions League.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Milan, formacioni i mundshëm: Musah fiton terren
Kështu pra, përpara me siguri do të jenë Rafa Leao, Alvaro Morata dhe Christian Pulisic. Tresheja e mrekullive është mirë: spanjolli është rikuperuar nga dëmtimi në kokë që pësoi në prag të ndeshjes kundër Cagliarit dhe dëshiron të jetë vendimtar ndaj ish skuadrës së tij. Ndërsa portugezi rilindi në Bernabeu dhe tani nuk dëshiron të ndalet më, duke pushtuar edhe San Siron. Nga ana tjetër ka që në ditën e parë amerikani që bën diferencën dhe tashmë është pikë referimi për Djallin e Paulo Fonsecës.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Patjetër të paprekshëm janë edhe Tijjani Reijnders dhe Youssouf Fofana: hollandezi qëndroi në pankinë në ndeshjen e dytë të kombëtares së tij e kështu mundi të pushonte. Këtë bëri edhe francëzi që qëndroi te Milanello, me ‘lejen’ plot mirësjellje të Didier Deschamps. Në mbrojtje, pa dyshim për krahët, Emerson Royal dhe Theo Hernandez do të luajnë që nga minuta e parë, dhe dyshen qendrore që do të përbëhet prej Malick Thiaw, Fikayo Tomori ose Matteo Gabbia. Nëse italiani do të ofronte garanci, do të përdorej ai nga Fonseca përkrah anglezit, në zonën përpara Mike Maignan. Megjithatë, për trajnerin portugez ka një dyshim të fundit: janë tre lojtarë që konkurrojnë për një fanellë: Ruben Loftus-Cheek, Samu Chukwueze dhe Yunus Musah. Për momentin është amerikani që ka fituar terren mbi konkurrencën, për një version Bernabeu të Milanit
