Ish-mjeshtri i pankinës milaniste, Arrigo Sacchi, ka rrëfyer mendimet e tij për ndeshjen determinante Juventus-Milan, e cila kulmoi me një revansh kuqezi që e bëri rrugën drejt trofeut ende të mundur. Vëmendja e tij ishte te performanca, ndikimi i trajnerit Conceicao dhe sfidat e ardhshme, veçanërisht derbi i fundit kundër Interit, një sfidë që premton të jetë e vështirë por jo e pamundur
Juventus-Milan 1-2, kuqezinjtë ringrihen pas një pjese të parë të shëmtuar dhe i dhurojnë vetes mundësinë për të ngritur trofeun të hënën mbrëma. Nuk do të jetë e lehtë duke qenë se do të jetë derbi kundër Interit. Pas ndeshjes pati shumë analiza dhe reagime për ndeshjen. Të cilat kanë vazhduar gjatë gjithë ditës së sotme, madje edhe në momentet që shkruhet ky artikull. Dhe ka qenë pikërisht Arrigo Sacchi, ish-trajneri legjendë i kuqezinjve të Pathyeshëm, i cili ka folur për ndeshjen për të përditshmen sportive ‘La Gazzetta dello Sport’. Çfarë sjell Conceicao te Milani dhe situata drejt derbit. Ja cili është mendimi i tij.
Kush është favorit në finale?
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
“Përgjigje e lehtë: Interi. Nerazzurrët nuk janë të fortë, janë shumë të fortë. Është një ekip i pjekur, ai i Simone Inzaghit, që po rritet ndeshje pas ndeshje: kjo do të thotë se ka një punë të madhe në bazë, se është një projekt për t’u ndjekur”.
Për gabimin e Theo Hernandez në golin e Juventusit
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
“Por si mund të bëhet një diagonale e tillë? Do të thotë të mos jesh i përqendruar, të mos jesh në ndeshje, të mos lexosh zhvillimin e aksionit. Por, pas atij gabimi, e rimori veten dhe kjo tregon se ka karakter”.
Për fitoren e Milanit
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
“Besoj se kjo është një sinjal pozitive pas ndryshimit në stol. Është e qartë që, nga pikëpamja taktike, Sergio Conceicao nuk ka patur kohë për të ndikuar. Por reagimi në pjesën e dytë ndodhi. Grupi me sa duket ka energjinë për t’i rikthyer situatat negative dhe ka njohuritë futbollistike për t’u përballur edhe me një kundërshtar të vështirë si Juventus”.
Kush ju pëlqeu mes kuqezinjve?
“Të them të vërtetën: pas pjesës së parë do t’i kisha ndërruar të gjithë. Nuk ishte asnjëri për t’u shpëtuar. Mirëpo në pjesën e dytë, të gjithë u ringjallën. Ndoshta ishin Reijnders dhe Pulisic ata që dhanë diçka më shumë. Nuk di se çfarë u ka thënë Conceicao në dhomën e zhveshjes gjatë pushimit, por me siguri ka qenë në gjendje që t’u prekte akordet e duhura. Nga ana tjetër është një djalosh shumë pasionant, që di të përcjellë emocione. Sidoqoftë, tani, nuk duhet të ndjehen sikur ia kanë arritur diçkaje: ka shumë punë për të bërë, ka shumë situata për të studiuar, ka shumë detaje për të zgjidhur. Cilësitë, megjithatë, nuk mungojnë. Dhe kur flas për cilësi, kam parasysh si teknike ashtu edhe fizike. Nëse këtyre u shtohen edhe vlerat morale, atëherë Milani ka baza të rëndësishme mbi të cilat mund të ndërtojë të ardhmen”.
Për mbrojtjen në fund
“Është një shenjë konkretësie e dhënë nga trajneri. Conceiçao e donte me çdo kusht fitoren dhe e ndihmoi skuadrën ta arrinte duke e rreshtuar në atë mënyrë në fund. Tani duhet zeruar gjithçka dhe të mendohet se si të përballen me Interin”.
Si do të luanit në finale?
Milani ka mundësi që ta vërë në krizë skuadrën e Inzaghit, sidomos për sa i përket shpejtësisë. Nerazzurrët, të fortë në të gjitha repartet, nëse pësojnë diçka, është shpejtësia e sulmuesve kundërshtarë. Kështu që Conceicao këto ditë do të duhet të punojë në këtë aspekt. Dhe duhet edhe të korrigjojë diçka në prapavijë, sepse në pjesën e parë faza mbrojtëse nuk funksionoi”.
