Milan, shifrat e pabesueshme të Christian Pulisic

Teksa Milani është i detyruar të heqë dorë nga një lojtar kyç përpara finales së Kupës së Italisë, shkëlqen ylli i Christian Pulisic. Përgjatë harkut të këtij sezoni futbollistik ndoshta emri i amerikanit nuk është përmendur mjaftueshëm, që ndryshe nga shokët e tij të ekipit, gjithmonë ka treguar në fushë shumë përpjekje dhe përqendrim. Por ndoshta kjo është edhe një karakteristikë e amerikanit, i cili mund të krahasohet me bashkëkombësin e tij të basketbollit Kawhi Leonard, gjithmonë vendimtar në fushë, por tejet i heshtur jashtë fushës së lojës.

Rekord golash për Pulisic

Me golin kundër Venezias, Christian Pulisic arriti në 16 shifrën e golave këtë sezon, në të gjitha kompeticionet, duke përmirësuar rekordin që vendosi vitin e kaluar gjithnjë me fanellën kuqezi. Një arritje e madhe kjo për amerikanin, i cili gjithnjë e më shumë po duket se është një lojtar kyç për këtë Milan. Duket absurde të mendosh për lehtësinë me të cilën Chelsea e la të shkonte për vetëm 20 milionë, duke pasur parasysh që “Blutë” janë të famshëm për nisje negociatash shumë të shtrenjta, qofshin ato hyrëse apo dalëse.

Pulisic unik: ja statistikat

Statistika më interesante që del nga analizimi i shifrave të amerikanit lidhet me pjesëmarrjen e tij në gola gjatë 2 viteve të fundit. Kështu, falë pjesëmarrjes në plot 50 gola, ai është një nga tre lojtarët në Serie A të aftë për të pasur numra të ngjashëm. Dy lojtarët e tjerë janë Lautaro Martinez dhe Ademola Lookmann. Shumë shpesh e theksojmë se sa themelor është numri 11 për Milanin, por sot më shumë se kurrë Milani varet nga Pulisic.