Sezoni i Milanit nuk po i përmbush pritshmëritë e klubit dhe të tifozëve, të cilët ndjehen gjithnjë e më të zhgënjyer dhe gati për të ngritur zërin. Vetëm fitorja e Superkupës së Italisë, sigurisht që nuk po ndikon për një atmosferë të qetë. Megjithatë, mesa po shihet skuadra nuk po dorëzohet dhe vazhdon të punojë me vendosmëri, një koncept ky i ripërsëritur edhe nga Conceicao disa herë. Sipas zërave të merkatos, klubi kuqezi është gati të bëjë një lëvizje të madhe: blerjen e një ylli nga Manchester United, një emër që mund të sjellë energji dhe entuziazëm të re në ambjent.
