Është një Rafael Leao ndryshe, ai i intervistuar ekskluzivisht nga kolegët e të përditshmes sportive La Gazzetta dello Sport, në Shtetet e Bashkuara të Amerikës. Një Rafa më i pjekur dhe më i rritur, që duket më i përqëndruar në fushë dhe në objektivat e tij të jetës. Sulmuesi portugez, në fakt tha se në nëntor do të bëhet për herë të parë baba i dy binjakëve. Një hap i rëndësishëm në jetën e numrit 10 të Milanit.
Rafa u tregua ishte i rritur dhe shumë i magjepsur nga ideja për t’u bërë baba. Do të jetë nëntori, muaji që portugezi do të bëjë hapin e madh të jetës, jashtë fushës së blertë.
Së shpejti do të bëhem baba, baba i dy binjakëve. Duhet të lindin në nëntor. Jam i sigurt se do të jetë një eksperiencë shumë e bukur, më pëlqejnë fëmijët. Le të themi se kam edhe një arsye tjetër për t’i dhënë vlerë familjes sime dhe për të vazhduar punën për ta. Do t’i quajmë Rodrigo dhe Tiago
More Read
Në intervistë, numri 10 i Milanit deklaroi edhe se do të ndryshojë stilin e tij të lojës, duke u bërë më i keq dhe duke u përpjekur të bëhet më pak asistman dhe më shumë golashënues. Po, sepse këtë kërkesë ja ka bërë direkt Zlatan Ibrahimoviç:
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Kur isha i vogël më pëlqente të dribloja dhe të bëja asiste. I shikoja të gjithë, veçanërisht Xavin dhe Iniestën që bënin pasime nga 30 metra, por edhe nga vetëm 5 për ta vënë një sulmues përpara portës. Prandaj nuk jam egoist. Të preferuarit e mi kanë qenë gjithmonë Ronaldinho, Cristiano Ronaldo, të gjithë ata që bënë lojëra apo pasime të pabesueshme. Kështu e shoh veten, sjell diçka ndryshe. Dua të shënoj më shumë, është e qartë: do të përpiqem t’i bëj të dyja tani, lojërat dhe golat. Në fushë mund të përshtatem, mund të luaj afër sulmuesit, por tani, me një futboll më taktik, skuadrat janë më prapa dhe okupojnë shumë zonën qendrore. Nuk luaj prej vitesh me shpinë nga porta dhe kam nevojë për hapësirë, për të parë gjithë fushën. Nuk e shoh veten duke luajtur së shpejti si qendërsulmues. Njerëzit ndonjëherë nuk i kuptojnë disa gjëra rreth futbollit, por nuk më bezdis. Të vetmet kritika që dëgjoj janë ato të trajnerit tim, të drejtuesve, të atyre që janë te Milani. Këtu më duan, e dinë se ku mund të shkoj dhe e di edhe unë: mund të jem një nga më të mirët, jo vetëm te Milani, por në botë
Më pas, Leao ka folur edhe për marrëdhënien e tij me Fonsekën, duke thënë se trajneri është njeriu i duhur për kuqezinjtë:
Ai është një person drejtpërdrejtë, shumë, e tregon menjëherë atë që dëshiron. Skuadrat e tij kanë luajtur gjithmonë një futboll të bukur dhe për sulmuesit ai është ‘top’: ndihem mirë me të dhe edhe shokët janë gjithashtu të kënaqur. Stërvitjet janë shumë intensive, gjithmonë me top: sipas meje i kemi kuptuar tashmë të gjitha idetë e tij për lojën, do të jetë bukur. Identiteti i Milanit historikisht është me topin dhe këtu të gjithë lojtarët janë të përfshirë në posedim: sipas meje është trajneri i duhur. Më kërkon të qëndroj i hapur, të kërkoj topin, të bëj një-dy për t’iu afruar zonës.
