Alvaro Morata dhe Strahinja Pavlovic janë të vetmet fytyra të reja në sezonin e blerjeve verore të Milanit, të paktën deri më tani. Paulo Fonseca shpreson që të ketë përforcime të tjera që të mund të përmirësojnë dhe të kompletojnë sa më shpejt skuadrën, e cila gjithashtu do të lehtësohet edhe me disa shitje.
Pavloviç ka filluar tashmë punën në Milanello, ashtu si dhe veteranët e tjerë që vijnë pas Evropianit si Mike Maignan, Theo Hernandez dhe Tijjani Reijnders. Ndërkohë, ai që turneun e ka fituar si kapiten i Spanjës, do të duhet t’i nisë përgatitjet rreth 10 gushtit. Të dy janë goditje të rëndësishëm për kuqezinjtë, të cilët duhet të shënjojnë të paktën edhe tre goditje të tjerë deri në fund të afatit kalimtar veror.
Tifozët janë kuriozë jo vetëm t’i shohin blerjet e ardhshme të Milanit, por edhe të dëgjojnë deklaratat e para publike, nga Pavlovic dhe Morata. Për të dy janë programuar tashmë konferencat përkatëse për shtyp të prezantimit.
Mbrojtësi serb do të flasë të enjten më 8 gusht në orën 15:30 në Casa Milan, ndërsa sulmuesi spanjoll do të flasë të premten më 9 gusht në orën 12:00. Ish lojtari i Real Madrid, Juventus, Chelsea dhe Atletico Madrid do ta japë po ashtu konferencën për shtyp në selinë e klubit në rrugën Aldo Rossi.
Pavlovic u zyrtarizua si blerje e re më 31 korrik, kur klubi njoftoi blerjen përfundimtare të kartonit të tij nga Red Bull Salzburg. Një operacion që kushtoi 18 milionë euro plus 2 milionë bonuse. Negociata me lojtarin ishte mjaft i shpejtë, ndërsa me ish-klubin e tij zgjati më shumë. Çmimi fillestar ishte 25 milionë dhe u deshën javë të tëra për të arritur një marrëveshje që të kënaqte të dyja palët. Për austriakët është sidoqoftë një fitim i mirë, duke qenë se mbrojtësi pati mbërritur në Salzburg për 7 milionë euro në korrik 2022.
Kontratë deri në qershor 2028 me opsion edhe për një vit, të njëjtën kohëzgjatje të parashikuar edhe për Moratën. Edhe pse madrileni është afër moshes 32-vjeç (do t’i fikë 32 qirinj në tetor), Milani ka vendosur t’i dhurojë një kontratë afatgjatë. Me sa duket, ekziston besimi se ai mund të performojë mirë edhe për disa sezone. Kartoni i tij kushtoi 13 milionë, aq sa ishte edhe klauzola çliruese të kontratës që e lidhte me Atletico Madridin. Ndryshe nga Strahinja, i cili do të përfitojë një pagë prej 1.5-1.7 milionë neto në vit plus bonuse, Alvaro do të përfitojë rreth 4.5 milionë neto në vit, plus bonuse.
