Paulo Fonseca nuk mund të gabojë më. Trajneri i kuqezinjve luan gjithçka për gjithçka në ndeshjen ndaj Napolit. Po, sepse në rast të një fitoreje të munguar, Milani do të rrëshqiste 11 pikë prapa azurrëve dhe kjo do të thoshte lamtumirë luftës skudeto që në fund të tetorit. E sigurt është se klubi i rrugës Aldo Rossi vjen në ndeshje me disa mungesa të rënda (Theo, Abraham, Jovic, Gabbia, Rejnders), gjë që nuk i jep edhe aq shumë shpresë tifozëve të Djallit.
Jemi ende më pak se në një të tretën e kampionatit dhe gjithçka mund të ndodhë, por me një ndeshje për t’u rikuperuar – e cila ndoshta nuk do të rikuperohet para shkurtit 2025 – kuqezinjtë duhet të përpiqen të qëndrojnë të mbërthyer pas trenit të Napolit, Interit dhe Juventus. Ndërkohë që, skuadra e drejtuar nga Antonio Conte hapi një hendek të vogël me ndjekëset e tyre dhe ka shkuar në plus katër pikë nga vendi i dytë.
Përveç klasifikimit, tre pikët me Napolin do t’i jepnin një shtysë të madhe besimit djemve të Paulo Fonsecës. Portugezi, në fakt, ka nevojë për një shkundje dhe kundër azurrëve duhet të mbështetet te Rafael Leao, i cili është në kërkim të shpagimit pas paraqitjeve anonime të fundit.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
