Debutimi nuk ishte ashtu siç shpresohej. Të shtunën në mbrëmje, Milani barazoi 2-2 kundër Torinos në San Siro, duke rekuperuar disavantazhin e dy golave vetëm në minutat e fundit të ndeshjes. Në formacionin titullar Paulo Fonseca nuk munden ende të mbeshtetej te disa nga lojtarët e rinj, si dhe te disa lojtarë të mëdhenj të mbajtur në pankinë për shkak se vinin nga një Europian i lodhshëm.
Në ditën e dytë kuqezinjtë do të udhëtojnë në Parma dhe objektivi është të ndërrojnë marsh. Në fakt, kolegët e La Gazzetta dello Sport kanë zbuluar se: “Fonseca do ta ndryshojë Milanin. Nga Theo te Fofana dhe Morata: të paktën gjashtë lojtarë të ndryshëm për të parë Djallin e vërtetë”. Pra, në formacionin që do të luajë në Tardini duhet të jenë gjashtë fytyra të reja në krahasim me të parën. Në mbrojtje duhet të luajnë Emerson Royal në të djathtë, Theo Hernandez në të majtë dhe Pavlovic në qendër. Ndërsa në mesfushë, duhet të ndryshojnë të dy, me hyrjen e Reijnders dhe Fofana. Në sulm do të jetë e para e Moratës titullar. Por ndërkohë, duke folur për merkato, lajme të bujshme mbërrijnë në Casa Milan…
