Milani nesër do të zbresë në fushë kundër Manchester City në të parën prej tre miqësoreve të luksit në turneun e Shtetet e Bashkuara të Amerikës. Objektivi i Cardinales është të rrisë gjithnjë e më shumë bazën e tifozëve kuqezi në SHBA, që sot arrin në 50-60 milionë tifozë.
Ndeshjet e tjera në rradhe do të jenë kundër Real Madridit dhe Barcelonës dhe do të mbyllin turneun, me kuqezinjtë që do të rikthehen për t’u përgatitur më së miri për debutimin e tyre sezonal kundër Torinos. Ka shumë dyshime për njerëzit mbi të cilët do të mbështetet Paulo Fonseka sezonin e ardhshëm.
More Read
Objektivi i Milanit duhet të jetë rritja dhe vlerësimi i lojtarëve të pranishëm në skuadër, si dhe kompletimi i skuadrës me ardhjen e blerjeve cilësore, por gjithmonë duke i mbajtur llogaritë në rregull. Fonseca ka nevojë për një qendërmbrojtës, Simon Kjaer nuk është zëvendësuar ende.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Dhe përveç Kjaer, klubi kuqezi mund të privohet edhe nga Malick Thiaw. Mbrojtësi ka përfunduar në shënjestër të Newcastle, i cili ka ofruar 30 milionë euro për kartonin e tij. Por Milani dëshiron të paktën 40 për të arkëtuar sa më shumë dhe për t’i riinvestuar paratë në merkato. Ka shumë kuriozitet për të kuptuar se kush do të jetë qendërmbrojtësi titullar.
Ndërkohë që është agjenti i Matteo Gabbia, Tullio Tinti, që duke folur për kolegët e të përditshmes sportive La Gazzetta dello Sport ka deklaruar: “Unë në formacionin titullar, do ta vendosja Gabbian sepse ka qenë mbrojtësi më i mirë në gjashtë muajt e fundit. Është i mirë. Gabbia patjetër titullar dhe më pas të tjerët. Pra, le të vemë Gabbia-Pavloviç”.
Fjalë që sigurisht do të shkaktojnë diskutime, duke qenë se Milani ka në dispozicion edhe një mbrojtës si Tomori, të cilit prej vitesh i janë besuar çelësat e repartit. Por do të jetë shumë interesante të kuptojmë se si Fonseca do ta menaxhojë blerjen e mundshme të Pavloviç, të cilit do t’i duhet patjetër një periudhë përshtatjeje.
Sidoqoftë, Milani ka shumë ndeshje për të luajtur sezonin e ardhshëm. Kështu, Gabbia do të gjejë hapësirën e tij, ashtu siç uron edhe agjenti në intervistën e tij për Gazzetta. Duhet kuptuar edhe se si do të luajë Fonseca dhe si do ta menaxhojë ai repartin e mbrojtjes. Një mbrojtje shumë e lartë mund ta vërë në vështirësi mbrojtësin italian, i cili që nga rikthimi te kuqezinjtë është afirmuar në një nivel të lartë.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Eksperienca në huazim te Villarreal e ndihmoi të bëhej më i vetëdijshëm për aftësitë që ka. Mbetet vetëm të presim për të kuptuar se cilat do të jenë zgjedhjet e trajnerit portugez.
