Milan, ofertë marramendëse: 100 milionë euro ‘në dorë’, menjëherë

Ofertë monstruoze për futbollistin, ja propozimi që mund të revolucionarizojë vërtetë merkaton Milanit. Të gjitha detajet

Më në fund Jashari. Milan e ka mbyllur përfundimisht telenovelën e mesfushorit belg që vjen nga Club Brugge. Një marrëveshje me vlerë afërsisht 37-38 milionë euro, me një bazë fikse prej 34 milionë eurosh plus bonuse.

Telenovela më në fund ka mbaruar për Rossonerët, teksa orët e fundit kanë mbërritur zëra të tjerë për lojtarin më të rëndësishëm aktualisht në organikën e Massimiloano Allegrit, që është Rafa Leao. Sipas spanjollëve të ‘fichajes.net’, do të ishte Manchester City që po vlerëson një sulm të menjëhershëm mbi sulmuesin portugez. Xhevahiri i Milanit, sipas kolegëve të portalit spanjoll, është bërë tashmë një prioritet i Pep Guardiolës, i cili dëshiron t’i shtojë shpejtësi dhe eksplozivitet sulmit të tij.

Drejtuesit e Citizens do të ishin kështu të gatshëm të lëviznin konkretisht për Leaon: klubi anglez mund të vërë në tavolinë rreth 100 milionë euro për ta bindur Milanin ta shesë lojtarin e tij më të çmuar.

Merkato Milan, Manchester City për Leaon: shifrat

Pozicioni i klubit Rossoner është i qartë: Milan dëshiron ta mbajë Leaon, i cili do të jetë në qendër të projektit të ri të Allegrit, por as ai nuk do të ishte i pashitshëm përballë një ofertë të paturpshme, të konsideruar të parezistueshme.

Me rreth 100 milionë euro, pra, Milani do të ulej në tavolinën e negociatave me Manchester City. Sipas kolegëve të portalit spanjoll, drejtuesit e Milanit tashmë janë vënë në lëvizje për të gjetur zëvendësuesin e mundshëm të Leaos. Megjithatë, priten konfirmime të mëtejshme: për momentin, Leao është i përkushtuar fort ndaj Milanit.