Bayern Munich vazhdon të insistojë për portugezin dhe Milani nga ana e tij fikson çmimin: me ofertën aktuale Leao nuk do të largohet nga kryeqendra lombarde
Rafael Leao, sigurisht që nuk vjen nga sezoni më i shkëlqyer i karrierës së tij por, edhe këtë vit, e ka treguar talentin dhe forcën që zotëron. Të dielën në mbrëmje, triumfoi me kombëtaren e tij në Nations League, duke hyrë nga pankina dhe duke shkaktuar probleme të përhershme për mbrojtjen spanjolle, me ndërhyrjet e pafundta krahun e dashur të majtë të tij. Finalja e turneut që u luajt në Allianz Arena në Mynih, pa që në vijë të parë të ishin edhe vëzhguesit e Bayernit, me objektivin primar: të vëzhgonin lojërat e numrit dhjetë Rossoner. Nuk është më sekret fakti që bavarezët janë shumë të interesuar për sulmuesin luzitan të Milanit, për të përforcuar një sulm që tashmë ka lojtarë të kalibrit të Sané, Musiala, Olise dhe Kane: Leao do ta kompletonte një repart të tillë yjor.
Bayern përpiqet
Edhe në të kaluarën, Bayern Munich ka treguar se nuk i ka problem shpenzimet kur identifikon lojtarin e duhur për skuadrn e tij dhe kjo mund t’i hedhë në erë planet e Milanit të Massimiliano Allegrit, i cili synon ta mbajë fort Leaon në Milanello. Bavarezët mund të paraqesin edhe një ofertë prej 60-65 milionë eurosh plus një homolog teknik si Kim Min-jae, Joao Palhinha apo Leon Goretzka: një propozim që disa klube do t’i bënte të lëkundeshin. Por Djalli, megjithatë, e konsideron portugezin si lojtarin nga i cili do të rilindë skuadra kuqezi dhe trajneri i ri i Rossonerëve dëshiron ta bëjë liderin teknik të ekipit: sipas kolegëve të të përditshmes së madhe sportive Gazzetta dello Sport, Milani nuk do të pranojë oferta poshtë një shifër të përcaktuar tashmë.
Milani fikson çmimin
Sipas kolegëve italianë, Milani do të ulet në tryezë vetëm për një propozim prej mbi 100 milionë eurosh dhe nuk do të ishte i interesuar të përfshinte homologë teknikë në negociatat e mundshme. Djalli, i fortë me kontratën e gjatë me lojtarin dhe klauzolën liruese të tij prej 175 milionë euro, nuk ka ndërmend t’ia ulë vlerën numrit 10 të tij dhe mund ta shesë vetëm nëse plotësohen të gjitha kërkesat. Për më tepër, Leao gjithmonë ka deklaruar se është i lumtur në kryeqendrën lombarde dhe nuk ka kërkuar kurrë të shitet: aventura e re me Allegrin mund ta stimulonte edhe më shumë, me trajnerin që beson shumë në cilësitë e luzitanit. Të shohim nëse Bayerni do të tërhiqet duke pasur parasysh vlerësimin e bërë nga Milani: situata mbetet e hapur.
