Milan, një kthesë e bujshme: Tare i habit të gjithë, ja dy goditjet surprizë të ds Rossoner!

Përveç emrave të shumë të njohur që qarkullojnë prej kohësh në orbitën Milan, tani Tare do të kishte shënjestruar disa objektiva të reja

Milani vazhdon të punojë në merkato, duke qenë se organika e skuadrës së Allegrit ka nevojë ende për disa shtesa për t’u kompletuar. Për këtë arsye, në shënjestër të Tares dhe njerëzve të skuadrës së merkatos kuqezi janë shumë emra, midis objektivave të hershëm, por edhe ideve absolutisht të reja dhe surprizë.

Ndër emrat më të përfolur, padyshim që ende vazhdohet të flitet për Ardon Jasharin e Club Brugge për mesfushën dhe Vlahovic të Juventusit për sulmin, ashtu si dhe për Doué të Strasbourgut për krahun e djathtë. Të gjithë emra konkretë, sigurisht të fortë, të cilët janë në shkallët më të larta të klasifikimit të pëlqyeshmërisë së Milanit.

Megjithatë, mbeten të gjitha pista edhe të ndërlikuara, secila për arsye të ndryshme. Dhe, siç thamë, Milani ndërkohë po vlerëson edhe objektiva të tjerë të mundshëm merkatoje, surprizë. Në veçanti, sytë ndaj disa emrave të rinj që kanë dalë orët e fundit në orbitën Rossonere.

Dy emra surprizë në listën e merkatos Milan

Ia nisim me të parin, i cili do të përfaqësonte një alternativë ndaj Guela Doué në pozicionin e mbrojtësit të djathtë. Bëhet fjalë për Zachary Athekame, anësor sulmues zviceran klas 2004, i Young Boys. 20-vjeçari ka një strukturë fizike të mirë dhe goxha këmbë dhe sezonin e kaluar bëri 43 paraqitje (përfshirë 8 në Champions League), duke shënuar edhe një gol dhe duke ‘dhuruar’ tri asiste. Një lojtar i ri dhe premtues, që do ta kishte intriguar Taren. Çmimi i Athekame mund të jetë më pak se 10 milionë euro. Në këtë drejtim, janë kolegët e të përditshmes së madhe sportive Gazzetta dello Sport të cilët theksojnë se: “Kontaktet e para tashmë janë zhvilluar dhe është ka mundësi që së shpejti të bëhet edhe një ofertë”. Por vëmendje edhe ndaj emrin e dytë surprizë.

Në këtë rast, po flasim për një sulmues anësor, një rol që Milani mund ta përforcojë vetëm pas një largimi kyç (si ai i Okafor ose Chukwueze). Është gazetari dhe eksperti i njohur i merkatos, Sacha Tavolieri, i cili ka zbuluar pistën e mundshme të merkatos, duke zbuluar në kanalin e tij X: “Ekskluzive. Dodi Lukebakio është një opsion për Milanin! Belgu së fundmi ka nënshkruar me Fali Ramadanin, i cili ka lidhje të ngushta me Igli Taren. Nëse do të ketë një largim në fashën e djathtë, atëherë kuqezinjtë mund ta merrnin në konsideratë profilin e tij. Milani pati folur edhe më parë me Lukebakion, në janar…” 27-vjeçari është në pronësi të Sevillas, ai vjen pas një sezoni me 11 gola dhe 2 asiste në 39 ndeshje dhe ka një vlerë merkato prej rreth 20 milionë eurosh. Pra, vëmendjen ndaj çdo surprize të mundshme nga merkato Milan.