Situata e rinovimeve në casa Milan vazhdon të shkaktojë shumë shqetësim te tifozët. I referohemi Theo Hernandez, Mike Maignan dhe edhe Davide Calabria. Dy të parëve kontrata iu skadon më 2026, ndërsa kapitenit më 2025. Ajo që i shqetëson më së tepërmi tifozët e Djallit janë kërkesat e larta të dyshes franceze. Mbrojtësi i majtë sot për sot, në bazë të kontratës përfton 4 milionë euro në sezon, ndërsa portieri ka ndalur në 2.8. Ndërsa anësori i djathtë ka një pagë prej 2 milionë euro në sezon dhe synon që ta rrisë.
Megjithatë dëshirojmë të përqëndrohemi te dy lojtarët e kombëtares franceze. Po, sepse rëndësia e tyre është thelbësore për klubin e rrugës Aldo Rossi. Bashkë me Leaon (i freskët me rinovimin deri në vitin 2028 me 7 milionë euro në sezon), janë në fakt pikat referuese për të ardhmen e Djallit. Sidoqoftë, nevojitet të blindohen edhe pse nuk është e lehtë. Po, sepse do të duheshin të paktën 6/7 milionë euro në sezon për secilin.
Pastaj, një vëmendje e veçantë i duhet kushtuar merkatos dhe në veçanti Bayern Munich, në kërkim të zëvendësuesit të Manuel Neuer dhe Alphonso Davies. Në rast se do të mbërrinin oferta afër 80 milionë eurove për Theo (i cili ka koleksionuar 5 gola në kampionat) dhe 50 për Maignan, Milani mund të vendosë t’i shesë lojtarët për të bërë para dhe për të riinvestuar buxhetin në goditje të tjera. Sidoqoftë, nëse do të duhej të zgjidhnim se kë të shisnim midis të dyve, zgjedhja jonë do të binte mbi Magic Mike. Po, sepse ka shumë portierë të mëdhenj përreth, shih Carnesecchi apo Di Gregorio. Nga ana tjetër, Theo është unik dhe zëvendësimi i tij do të ishte vërtet i vështirë…
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
