Mbetet gjithnjë e më pak kohë deri në nisjen e kursit të ri të Milanit të drejtuar nga Paulo Fonseca. Pas shumë dyshimesh, tani ka edhe një datë: klubi i rrugës Aldo Rossi do të grumbullohet në Milanello, më 8 korrik. Takimi i parë i vërtetë, ballë për ballë, mes kuqezinjve dhe trajnerit portugez, do të ndodhë pra në qendrën stërvitore të kuqezinjve, për t’u përgatitur më së miri për sezonin e ri. Nuk do të jenë të pranishëm lojtarët që vazhdojnë të luajnë me kombëtaret përkatëse dhe ata që do të mbërrijnë të paktën gjysmëfinalen e Kampionatit Evropian.
Pas grumbullimit të 8 korrikut, ja cilat janë angazhimet që do t’i interesojnë Milanit dhe që do të jenë të një rëndësie të jashtëzakonshme për të kuptuar se si do të shkohet në startin e kampionatit: të shtunën e 20 korrikut më 17:30 do të zhvillohet sfida kundër Rapid Vjenës. Ndërsa nga 27 korriku do të fillojë turneu në Shtetet e Bashkuara me superndeshjen e parë Manchester City-Milan. Më 31 korrik do të jetë superndeshja tjetër Milan-Real Madrid dhe më 6 gusht do të mbyllet me superndeshjen e fundit, Barcelona-Milan.
Fonseca pra po përgatitet të njihet me qendrën sportive Milanello, vendi që do ta shohë si protagonist për disa kohë. Në fakt, më 8 korrik do të jetë edhe takimin i parë zyrtar me lojtarët që do të rikthehen nga pushimet dhe angazhimet e tyre, për t’u përgatitur sa më mirë për sezonin e ardhshëm. Epoka e ish Lillës po fillon…
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
