Milan në 1/8 e Champions League, çfarë nevojitet ende për t’u kualifikuar me ose pa Playoff

Milani mund të kalojë në fazën e 1/8 të Finales së Champions League edhe pa Play Off, ja çfarë nevojitet: të gjitha përqindjet

Aventura e Milanit në Champions League e re pati nisur mjaft keq. Zero pikë në dy ndeshjet e para kundër Liverpool dhe Bayer Leverkusen, gjë që i bëri të shqetësohen jo pak tifozët. Por më pas erdhi pika e kthesës duke filluar nga Club Brugge: nga ai moment e këtej, dhe me ndeshjen e pabesueshme në Madrid kundër Real Madridit, kuqezinjtë kanë rreshtuar tri fitore rresht dhe tani janë nëntë pikë larg klasifikimit maksimal të këtij formati të ri.

Aktualisht rossonerët zënë vendin e 14-të, por kanë të njëjtat pikë me Bayern Munich, i cili është i 11-ti. Në një format si ky, është thelbësore të kesh parasysh shifrat e diferencës së golave, sepse është pikërisht kjo ajo që do të mund të vendosë shumë renditjen përfundimtare në rast të një barazimi me pikë. Deri më sot, Milani ka sidoqoftë më shumë pikë se skuadra si Manchester City, Real Madrid dhe Paris Saint-Germain dhe ka një mundësi të madhe: kanë mbetur edhe tre ndeshje deri në përfundim të kësaj faze dhe kundërshtarët e radhës së Paulo Fonsecës dhe djemve të tij janë të gjitha ekstremisht skuadra shumë më të vogla përballë Milanit.

Do të niset me serbët Crvena Zvezdës, të planifikuar për më 11 dhjetor në San Siro, do të vazhdohet më 22 janar kundër Gironas, e vetmja nga tre skuadrat që fsheh disa bezdi më shumë (edhe pse katalanasit janë shumë të ndryshëm nga ata spektakolarët e sezonit të kaluar). Gjithçka do të përfundojë më 29 janar kundër Dinamo Zagrebit jashtë fushe: tre kundërshtarë ndaj të cilëve mund të grumbullohen edhe nëntë pikë të tjera, me përjashtim të ndonjë ‘vetëvrasjeje’ të mundshme.

Në këtë pikë Milani do të arrinte 18 pikë në renditjen përfundimtare dhe këto do të mund të mjaftonte për t’u rikthye në tetë më të mirët, pra të hyjë drejtpërdrejt në fazën tjetër të turneut pa kaluar nëpër play-off. Sipas Sky Sport, nga dita e sotme për t’u kualifikuar me 18 pikë do të kishte 100% shanse, me 17 pikë 99%  dhe me 16 pikë 76%. Bazuar në këto përqindje, pra, është e qartë që edhe kuqezinjtë kanë arritur në një diferencë, nëse diçka do të shkonte keq. Por është shumë, shumë e rëndësishme që Paulo Fonseca dhe djemtë e tij të mos bëjnë llogari. Përkundrazi, të vetmet llogari që duhen bërë lidhen, siç thamë më parë, me golat e shënuar dhe të pësuar: Milani, i cili ka pësuar shumë deri tani (përfshirë edhe dy nga Slovan Bratislava), duhet t’i sistemojë gjërat dhe të përpiqet të pësojë sa më pak të jetë e mundur në tre ndeshjet e tjera të ardhshme, dhe, të shënojë, banale ta thuash, sa më shumë të mundet. Në këtë mënyrë kualifikimi për në fazën e 1/8 të Champions League pa Play Off do të ishte realitet. E çfarë realiteti!