Prej disa ditësh Paulo Fonseka ka marrë zyrtarisht detyrën e trajnerit të ri të Milanit dhe të hënën ka nisur punën me njerëzit e tij. Pavarësisht seancave stërvitore me dyer të mbyllura, disa lajme kanë dalë në lidhje me llojin e lojës që trajneri portugez dëshiron t’u përcjellë kuqezinjve.
Në seancat e para stërvitore trajneri ka përdorur sistemin 4-2-3-1, duke insistuar në zotërimin e topit, në dendësinë e pasimeve, në ndryshimet e lojës dhe mbi pressingun. Në mendjen e Fonsekës, në fakt, faza e parë e posedimit nuk është e ngadaltë, por duhet ta dërgojnë topin sa më shpejt në mesfushë. Dendësia krijohet në një moment të dytë, duke shfrytëzuar pozicionimin e lartë të mbrojtësve anësorë dhe lëvizjen e sulmuesve.
Megjithatë, kur kundërshtari ndërton nga fundi, Milani do të rreshtohet me sistemin 4-4-2. Te Lille ishin qendërsulmuesi dhe mesfushori sulmues ata që e ngrinin përpara vijën e parë të presionit, ndërsa mbrojtësit anësorë uleshin në vijën e mesfushorëve.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
