Milan Merkato / E pabesueshme: Lukaku-Milan, po qarkullon një lajm i çmendur

Kjo merkato e çmendur dhe e zhurmshme verore na ka mësuar se mund të ndodhë vërtetë gjithçka dhe për këtë Milani di diçka. Surprizat, prapaskenat dhe kthesat mund të jenë gjithmonë në çdo anë. Dhe sa më shumë i afrohemi mbylljes së merkatos, aq më shumë situata dhe dinamika të paparashikueshme mund të lindin.

Siç e dimë, prioritetet e kuqezinjve për momentin janë shitjet. Duhet holluar një organikë shumë e fryrë dhe edhe në këtë drejtim diçka po ecën. Pastaj, në ditët e fundit të merkatos, Milani mund të rikthehet për të bërë edhe ndonjë goditje tjetër in extremis. Ndoshta duke përfituar nga mundësitë e fundmerkatos.

Milan, merkato e nxehtë: ikën De Ketelaere, lajme të rënda për Lukakun

Ndër operacionet më të rëndësishme në largim është sigurisht ai që lidhet me transferimin e Charles De Ketelaere te Atalanta. Negociata më në fund në mbyllje, me tymin e bardhë që pritet të dalë në orët e ardhshme. Problemet mes De Ketelaere dhe klubit bergamask janë zgjidhur, me Milanin që ka vendosur të bëjë një tjetër shitje shumë të rëndësishme.

Ndërkohë që sa i përket goditjeve të fundit të mundshme në merkato, kuqezinjtë duket se po shqyrtojnë hipoteza të ndryshme, duke studiuar profile të ndryshme. Në mbrojtje, për shembull, mund të mungojë ndonjë pjesë (mbrojtës qendror dhe i majtë). Por mbi të gjitha është sulmi ai për të cilin mund të materializohet diçka shumë e rëndësishme, me emrin e Romelu Lukakut që vazhdon të kërcejë në mjedisin Milan: ja lajmet më të fundit për këtë çështje.

Lukaku te Milani

Nisemi nga një supozim: Pioli do një tjetër puntë dhe po shtyn fort në këtë drejtim. Nevojitet një alter ego e Giroudit, duke qenë se Okafor shihet më shumë si anësor dhe sigurisht nuk i ka karakteristikat determinante të qendërsulmuesit të pastër. Nga ky këndvështrim, sugjerimi Lukaku sigurisht që ka kuptim. Por a do të ishte vërtet e mundur? Zërat që qarkullojnë janë të ndryshme.

Sulmuesi belg dëshiron të qëndrojë në Itali dhe është në negociata me Juventusin, i cili megjithatë po has në shumë vështirësi për të mbyllur aferën me Chelsean. Është Vlahoviç që ngadalëson gjithçka, por edhe një situatë ekonomike që nuk është shumë e thjeshtë. Dhe Milani? Nga sa kuptojmë, kuqezinjtë janë në dritare dhe po e ndjekin çështjen me një sy shumë të kujdesshëm. Por ka më shumë.

Në fakt, këtyre orëve do të kishin rënë aksionet e një kalimi të mundshëm të Lukakut te Milani, shenjë kjo që tregon se më shumë se dikush ka filluar të besojë realisht në këtë sugjerim të çmendur të merkatos. Dhe skenari që mund të shfaqet në ditët në vijim është i qartë. Nëse afera mes biankonerëve dhe bluve nuk realizohet, i vetmi opsion real për Lukakun në Itali (dhe ndoshta edhe në Evropë) do të mbetet Milani. Dhe është edhe një tjetër aspekt shumë të rëndësishëm për t’u nënvizuar.

Duhen patur parasysh në fakt edhe marrëdhëniet shumë të mira midis klubit rosoner dhe pronarësisë mike të Chelsea, të cilët do të shtynin për të gjetur një zgjidhje brenda fundit të kësaj merkatoje. Anglezët mund edhe të hapen ndaj formulave të favorshme si edhe të marrin pjesë në një pjesë të pagës së Lukakut, me vetë qendërsulmuesin që mund të vendosë të reduktojë kërkesat e tij për t’u zhvendosur në Milano. Por, këtë herë, në bregun Rossoner të Naviglias. Pra, vëmendje mbi këtë ide të çmendur për fundin e merkatos.