Në Casa Milan po përpiqen ta mbyllin sezonin e merkatos verpre me blerjet e fundit të dobishme për trajnerin e ri Paulo Fonseca. Pas një përforcimi për mbrojtjen, që i korrespondon emrit të Strahinja Pavlovic të marrë nga Salzburgu, dhe një për sulmin, me Alvaro Moratën të përzgjedhur nga klubi për të vijuar trashëgiminë e Olivier Giroud që fluturoi në Los Anxhelos, kuqezinjtë tani do të shohin edhe brazilianin Emerson Royal nga Tottenham, si mbrojtësi i ri i djathtë milanist.
Sidoqoftë, tifozët i kërkojnë klubit të rrugës Aldo Rossi që të insistojë në blerje të reja të rëndësishme për të forcuar më tej ekipin e Fonsekës, sepse objektivi është të jetë në nivelin e Interit, Juventusit dhe kandidatëve të tjerë për të fituar Scudetton. Por për të kompletuar blerjet e reja, do të jetë e nevojshme të vijohet edhe me merkaton në largim duke qenë se në organikën e Djallit janë disa elementë që nuk bëjnë më pjesë në projektin Fonseca. Në këtë kuptim, gjatë këtyre orëve ka mbërritur një largim (i përkohshëm).
Organika e Milanit përfshin në të disa lojtarë që janë kthyer nga huazimet apo që duhet të gjejnë strehim të ri pasi nuk konsiderohen më profile të dobishme për kursin e ri te kuqezinjtë. Njëri prej tyre është edhe Marco Pellegrino, mbrojtës argjentinas i cili ka luajtur në huazim për Salernitanën gjashtë muajt e fundit të sezonit të kaluar, ku, pavarësisht lohës së tij, nuk arriti ta ndihmojë skuadrën campane të shmangte rënien në Serie B.
Pellegrino, që në fillim të verës, nuk vlerësohej si element i gatshëm për t’i dhënë një dorë skuadrës së parë të Milanit dhe për këtë u kërkua gjatë për një sistemim të tij. Në fund mbërriti marrëveshja me një tjetër klub: mbrojtësi i ri klas 2002 do të rikthehet në vendlindje për të luajtur për Independiente.
Këtë e ka njoftuar vetë klubi argjentinas, i cili bën të ditur përfundimin e suksesshëm të këtij negocimi dhe njoftoi ardhjen e Pellegrinos në formë huazimi. Kështu pra, mësohet se Milani nuk ka hequr dorë përfundimisht nga kartoni i klasit 2002, por mund të shpresojë ende për shpërthimin e tij në atdhe për ta rikthyer te kuqezinjtë në verën e vitit 2025, ku do të mund të vlerësohet përsëri dhe të kuptohet nëse do të jetë vërtetë i dobishëm për kauzën kuqezi.
