Milani kërkon të rilançohet pas një sezoni zhgënjyes: sytë e mbërthyer mbi belgun për sulmin dhe një lëvizje e mundshme e bujshme në portë
Milani i dha fund një sezoni për t’u harruar, jashtë të gjitha kompeticioneve evropiane për herë të parë që nga sezoni 2015-2016. Një zhgënjim i thellë që mesa duket po i shtyu drejtuesit aktuale milanistë, bashkë me Furlanin dhe Ibrahimovic, të lëvizin me vendosmëri në merkato për të ndërtuar një ekip konkurrues që të mos zhgënjejë sezonin e ardhshëm.
Maignan drejt lamtumirës? Ideja e një shkëmbimi të bujshëm
Një nga objektivat është Leandro Trossard, sulmuesi belg i Arsenalit, klas ’94. Një sulmues i gjithanshëm i zoti të luajë në të gjithë frontin sulmues, ka shënuar 8 gola dhe dhuruar 6 asiste në 37 ndeshje të luajtura në Premier League. Çmimi i vendosur nga Gunners është rreth 30 milionë, një shifër e rëndësishme, por jo e paarritshme për kuqezinjtë.
Fronti tjetër i nxehtë ka të bëjë me portën. Barcelona do t’i kishte propozuar Milanit një shkëmbim mes Mike Maignan dhe Marc-André ter Stegen. Francezi është konsideruar një nga shtylla e skuadrës, por nuk përjashtohet mundësia që klubi të dojë të bëjë një ndarje të plotë me të kaluarën. Ter Stegen, i cili vjen pas një sezoni të vështirë dhe një dëmtimi të gjatë, dëshiron të rilançohet në fushë edhe për të arritur një tjetër objektiv, kombëtaren gjerman. Shkëmbimi i mundshëm do të kishte një ndikim të rëndësishëm në ekuilibrat evropiane, por mbetet për t’u parë nëse Maignan mund të largohet vërtet nga Milani, ku tashmë është një nga idhujt e tifozerisë.
Pulisic rinovon, Reijnders shtyn për largim
Lëvizje të rëndësishme ka edhe në dalje: Christian Pulisic ka zgjedhur të qëndrojë dhe do të rinovojë deri në vitin 2029 me një pagë prej 5 milionë eurosh, në një linjë me Leaon, edhe pse pa bonuse. Tjetër diskutim për Tijjani Reijnders, që do të ishte duke shtyrë fort për një transferim të mundshëm te Manchester City. Hollandezi pëlqehet shumë nga Guardiola dhe operacioni i merkatos mund t’i sjellë arkave të Milanit 80 milionë euro, një shumë e nevojshme kjo për të financuar blerje të reja.
