Pas një sezoni zhgënjyes, Milani është gati të luajë deri në fund kartat e tij në Coppa Italia, e cila përfaqëson objektivin e vetëm të vërtetë ende të arritshëm. Një objektiv i rëndësishëm, i cili do të garantonte edhe aksesin në Europa League, por që nuk do të jetë i mjaftueshëm për të shpëtuar pozicionin e Sergio Conceicao. Fati i trajnerit portugez, përveç ndonjë eventi të bujshëm, në fakt është vulosur tashmë. Gjithçka sugjeron një ndryshim në pankinë dhe zërat që qarkullojnë në ambientin kuqezi e konfirmojnë këtë me këmbëngulje gjithnjë e më të fortë.
Në këtë drejtim, po rrjedhin gjithnjë e më shumë detaje interesante rreth emrave të mundshëm mbi zëvendësuesin. Sipas asaj që është zbuluar nga kolegët e të përditshmes sportive La Gazzetta dello Sport, Gerry Cardinale do t’i kishte idetë mjaft të qarta rreth profilit mbi të cilin të përqendrohet. Numri një i klubit Rossoneri në fakt ka vendosur të përqendrohet mbi një trajner italian, me përvojë të madhe dhe fitues. Një identikit shumë preçiz që hap disa mundësi shumë të rëndësishme. Për të bërë qartësi mbi listën e kuqezinjve, po ju japin një listë të përditësuar me të gjithë kandidatët për stolin e Milanit, me përqindjet përfshirë, emër për emër: le t’ia nisim menjëherë
1) CARLO ANCELOTTI – Lamtumira nga Real Madridi është e shkruar tashmë, por kandidatura e tij si trajner i Brazilit gjatë orëve të fundit po lëkundet dhe po humbet terren. Megjithatë, pavarësisht kësaj, rikthimi i ishit të madh nuk duket të jetë një mundësi konkrete për Milanin. Praktikisht zero mundësi: probabilitet 5%.
Lexo më shumë
2) VINCENZO ITALIANO – Trajneri i Bolonjës është italian në emër dhe në fakt po bën shumë mirë në aspektin e rezultateve, por ai ende nuk ka thellësinë dhe eksperiencën e kërkuar nga Milani. Është një profil që pëlqehet, por do të ishte rrezik dhe në çdo rast largimi i tij nga Bolonja nuk do të ishte aspak i lehtë. Sot, pra, një emër mjaft larg: 15% probabilitet.
3) ROBERTO MANCINI – Ai po, që do t’i kishte karakteristikat e vlerësuara nga Milani: italian, me përvojë të madhe dhe një të kaluar fituese. Por është po aq e vërtetë se ish-trajneri i kombëtares italiane ka qenë larg një stoli klubesh në Evropë prej njëfarë kohe të gjatë dhe se po kërkohet edhe nga ekipe të tjera. Edhe në një nivel ekonomik, nuk do të ishte një profil shumë i arritshëm. Për momentin, pra, mbetet në rreshtat e fundit në optikën Milan: 20% probabilitet.
4) ANTONIO CONTE – Është një nga ëndrrat e mëdha të ndaluara të shumë milanistëve, që do ta donin në pankinën Rossonera. Verën e kaluar, trajneri salentin ishte gati për të ardhur te Milani, i cili megjithatë vendosi ta refuzonte kandidaturën e tij. Për këtë arsye, mbetet një hipotezë shumë e komplikuar, por edhe sepse t’ia rrëmbesh sot Napolit nuk do të ishte një punë e lehtë. Vetëm në rast të një divorci midis Conte dhe De Laurentiis, rruga mund të rihapej, edhe pse konkurrenca në këtë rast do të ishte e pamëshirshme. Për momentin jemi vetëm në një mundësi 25%, por kjo përqindje mund të pësojë ende variacione interesante në të ardhmen e afërt në varësi të zhvillimeve që do të ndodhin.
5) ROBERTO DE ZERBI – Një tjetër trajner shumë i vlerësuar nga një pjesë e madhe e tifozëve Rossoneri, ai intrigon shumë edhe në një optikë të ardhme. Ajo e ish-trajnerit të Sassuolos është një tjetër situatë për t’u ndjekur, duke pasur parasysh se në Marsejë ka pak konfuzion për momentin. Në rast të një ndarjeje midis palëve, De Zerbi mund të kthehet si një emër i fortë në optikën Milanit. Në këtë rast, megjithatë, ai nuk do të ishte një profil me shumë përvojë dhe fitues, siç do të donte Djalli. Për këto arsye, për momentin mbështetemi vetëm në një probabilitet prej rreth 30%.
6) GIAN PIERO GASPERIN – Nëse trajneri i Deas vendos të përshëndesë Bergamon në fund të këtij sezoni, Gasperini mund të përfundojë seriozisht në shënjestrën e Rossonerëve. Sipas kolegëve të të përditshmes sportive La Gazzetta dello Sport, trajneri i Atalantës do të ishte mjaftueshëm lart në renditjen e pëlqyeshmërisë së Milanit. Prandaj, për të përqindja për të edhe mund të rritet deri në 40%.
7) MASSIMILIANO ALLEGRI – Sipas asaj që na rezulton, Max do të ishte gjithmonë një profil që duhet marrë seriozisht në konsideratë për të ardhmen e stolit kuqezi. Në fakt, Allegri do të rikthehej me vrap te Milani, aq sa do të ishte i gatshëm të hiqte dorë edhe nga diçka në nivel ekonomik. Identiteti i tij përputhet në mënyrë të përkryer me preferencat e Djallit: italian, me përvojë dhe fitues. Për më tepër, ish Juve e njeh në mënyrë të përsosur ambjentin Milan dhe është shumë i motivuar. Nëse Milani do të zgjidhte dyshimet e tij, Allegri do të përgjigjej menjëherë pozitivisht. Kështu pra, një emër për t’u mbajtur lart, të paktën me një shans 50% që mund të rritet ndjeshëm nëse do të vinte thirrja.
8) MAURIZIO SARRI – Vëmendje emrit të ish Lazios, që ne ua kemi zbuluar prej muajsh. Për të qenë të saktë, që kur folëm për kontaktet absolutisht konkrete midis tij dhe Milanit që datojnë të paktën që nga dhjetori i kaluar. Rossonerët në fakt e kanë kërkuar seriozisht Sarrin për post-Fonsecën, përpara se t’i drejtoheshin Conceicaos. Një shenjë e qartë e vlerësimit që drejtuesit e Milanit kanë për trajnerin toskan. Tani kandidatura e tij po fiton terren edhe sipas burimeve të tjera, siç është edhe redaksia e të përditshmes së specializuar sportive Gazzetta dello Sport, e cila ka folur për këtë në orët e fundit. Pra, një sy te Sarri: sot jemi në 55%, por e dimë se edhe ai do të ishte shumë i gatshëm t’i përgjigjej pozitivisht një telefonate të re të mundshme nga Milani. Megjithatë, thënë këto, lajmet e mëdha nga Casa Milan nuk mbarojnë këtu, përkundrazi.
