Me Moratën e mbyllur, prioriteti i Milanit tani është përforcimi i mesfushës. Siç raporton Claudio Raimondi i SportMediaset në Italia Uno, Youssouf Fofana është prej kohësh i përzgjedhuri i kuqezinjve që tashmë kanë një akord paraprak me mesfushorin francez, teksa mungon marrëveshja me Monacon, që kërkon ende 25 milionë euro pavarësisht se lojtarit i ka mbetur ende vetëm një vit kontratë.
Kështu, në klubin e rrugës Aldo Rossi po kërkohen alternativa të tjera dhe një hipotezë që po merr formë është pista që të çon te Lazar Samarxhiç: drejtuesit e Milanit kanë vendosur kontaktet e para me babain-agjent të mesfushorit që Udinese e vlerëson 20-25 milionë euro.
Samarxhiç, një ofertë për lojtarin dhe për Udinezen
Duhet theksuar se në kontaktet fillestare të Milanit me babain-agjent të mesfushorit, i është paraqitur edhe një ofertë fillestare. Gati është edhe një propozim për Udinezen, më pak se 20 milionë që duhej të investoheshin për Fofana.
