Milan, ke fanellën më të pasur në Serie A: nga 2026, kapërcen Interin dhe Juventusin. Ja pse

Dje, Milani zyrtarizoi rinovimin e partneritetit të tij me Emirates, që zgjat që nga viti 2007, me një kontratë të re pesëvjeçare, e cila do të mbulojë periudhën 2026-2031.

Akordi i mëparshëm, i mundësonte tashmë klubit të rrugës Aldo Rossi të dyfishonte – në mënyrë graduale – të ardhurat: nga 15 milionë euro bazë, në fakt, Milan ka kaluar në 30 milionë euro këtë sezon (20/25 milionë sezonin e kaluar).

Lexo më shumë

Prova e fundit e turneut: tri arsye për të parë Milanin kundër Perth Glory

Trajneri i ri, bomba e merkatos: “Po qarkullon një zë që…”

Gabbia dhe mendimi i çdo milanisti. Tifozë, le të nisim fushatën #mikerinnova – mikerinovo. Milani duhet të bëjë gjithçka

Tare në Mediaset: “Çfarë emocioni të rikthehem në Olimpico. Jashari? Kemi besim të madh te ai. Për rinovimin e Sul Maignan ju them që…”

Capello: “City në pressing për Reijnders? Një që nuk do ta shisja kurrë”

Fanella Milan, 45 milionë euro të ardhura nga sponsorat nga sezoni 2026-2027

Dhe tani, duke filluar nga viti i ardhshëm, do të ndodhë një upgrade tjetër e rëndësishme. Nga sezoni 2026-2027, Emirates – sponsori kryesor i fanellave të AC Milan që prej 2010-2011 – do t’i garantojë klubit 35 milionë euro neto për çdo vit.

Me perspektivëm, e lidhur edhe me bonuset, që pritet të shkojë në 40 milionë euro gjatë kohëzgjatjes së kontratës së re. Kjo rritje e konsiderueshme do t’i mundësojë Milan të mburret me fanellën më të pasur në të gjithë Serie A.

Duke konsideruar vetëm sponsorizimet komerciale, duke përjashtuar kësisoj partnershipet teknike, Milani, duke filluar nga viti 2026, do të ketë 35 milionë euro nga Emirates plus 5 milionë euro për kokë nga MSC Crociere (te mëngët) dhe BitPanda (në shpinë), për një total prej 45 milionë eurosh.

Vendi i parë i sigurtë në kampionat, pasi edhe bigët e tjerë i kanë finalizuar tashmë kontratat e tyre. Interi arrin në 41, Juventusi 32, por me perspektivën e rritjes në 36. Sidoqoftë, janë pas një Milani në korsinë e shpejtë.

Rinovimi i akordit me Emirates u sigurua pas një takimi blitz në pranverë të bërë prej CEO Giorgio Furlani në Dubai. Thënë ndyshe, në atë hub strategjik të merkatos kyçe të Lindjes së Mesme, ku klubi, më 2023, ka inauguruar edhe një filial të “Casa Milan”.

Fanella ‘më e pasur’ në Serie A, është rrugës, pra, për Milanin, edhe pse elita evropiane mbetet mjaft përpara: kështu, Real Madridi, Manchester Unitedi dhe PSG fitojnë secili nga 70 milionë euro prej sponsorizimeve.