Këtë herë nis vërtetë, por, ka qenë më 12 maj 1996, Rossonerët dhe Cremonese luajtën ndeshjen mbyllëse, atë të fundit të sezonit, të atij sezoni që e pa Milanin të fitonte Scudetton e 15-të në histori.
Përfundoi 7-1 në favor të Milanit
Ishte dhe ndeshja e fundit e Filippo Gallit në kampionat me fanellën Rossonere, e fundit e periudhës së parë të Fabio Capellos në pankinën milaniste përpara se të largohej për në Madrid dhe edhe e fundit e Gigi Simonit, si trajner i Cremoneses, para se të kalonte në Napoli.
Por kjo ndeshje, ajo e 23 gushtit 2025, pra përndihet si një fillim i ri, i të ardhmes, i perspektivës, për Massimiliano Allegrin, i cili rikthehet si trajner i Milanit, për shumë të sapoardhurit në Milanello dhe edhe për Lapo Navën, Filippo Terraccianon dhe Warren Bondon, të cilët iu bashkuan rradhëve Grigiorosse (Cremoneses) këtë verë.
Lexo më shumë
Është një Milan-Cremonese që luhet të shtunën, një tabu e vogël për t’u thyer për Allegrin, i cili në këtë ditë të javës e pati filluar sezonin me humbje si më 2012 (Milan-Sampdoria 0-1), ashtu dhe më 2013 (Verona-Milan 2-1).
Dy ndeshjet e fundit hapëse të kampionatit të shtunën nga ana e Rossonerëve kanë pasur rezultate të ndryshme: Milan-Udinese 4-2, me Stefano Piolin në stol më 2022 dhe Milan-Torino 2-2, me Paulo Fonsecën si trajner më 2024.
