Milan | Jo Zirkzee, Jo Sesko: një tjetër sulmues në shënjestrën e kuqezinjve

Blerja e qendërsulmuesit është prioritet në Casa Milan. Kuqezinjtë janë gati të bëjnë goditjen e madhe për të forcuar një repart që ka humbur të madhin Olivier Giroud. Është e padiskutueshme, nevojitet një sulmues dhe sa më shpejt që të jetë e mundur, i cili mund të garantojë gola për të tashmen dhe për të ardhmen e milanistëve.

Emri i rrethuar me të kuqe prej muajsh është Joshua Zirkzee. Holandezi, i cili ka një kontribut shumë të madh për çuarjen në Champions League, të Bolonjën, i bën të bien dakord që të gjithë në klubin e rrugës Aldo Rossi, por nuk mungojnë pengesat. Çmimi i klauzolës, prej 40 milionë eurosh, është relativisht i përballueshëm. Problemi real lidhet me komisionet, të cilat sigurisht që nuk janë të ulëta. Ditët e fundit është folur madje për kërkesa prej 15-20 milionë euro nga agjenti.

Për ta sjellë Joshua Zirkzee te kuqezinjtë do të duhej një investim prej të paktën 55-60 milionë eurosh, pa përfshirë rrogën. Një shumë pothuejse e ngjashme do të duhej edhe për të vënë duart mbi Benjamin Sesko, i cili ka një klauzolë prej 65 milionë. Leipzig me siguri nuk është i predispozuar që do të bëjë asnjë zbritje për lojtarin e tij. Për më tepër, konkurrenca për të dy futbollistët e sipërshënuar është vërtet e ashpër: në fakt, për të dy ka shfaqur një interes të fortë Arsenali, që po kërkon edhe ai nga ana tjetër një qendërsulmues. Por për holandezin, vëmendje i duhet kushtuar edhe Juventusit, veçanërisht nëse do të shitej Federico Chiesa.

Objektivi i ri për sulmin: kontaktet në vazhdim

Milani pra është i thirrur që të shohë për alternativa. Përveç Joshua Zirkzee dhe Benjamin Sesko, pëlqehen edhe Jonathan David i Lille dhe Guirassy i Stuttgartit dhe sipas asaj që raportojnë kolegët e të përditshmes sportive Corriere dello Sport në rritje janë edhe kuotat e Santiago Gimenez të Feyenoord.

Sulmuesi klas 2001, shënuesi i 26 golave ​​këtë sezon, është gati të largohet nga Feyenoord. Agjenti i tij ishte në Milano dhe ka zhvilluar disa biseda me drejtuesit e Milanit. Megjithatë, vlerësimi i tij është sigurisht jo më pak se 50 milionë euro. Edhe për futbollistin, me pasaportë të dyfishtë, argjentinase dhe meksikane, sigurisht që konkurrenca nuk mungon aspak. Gimenez pëlqehet shumë në Angli dhe kjo mund të çojë edhe në rritjen e çmimit të kartonit të tij. Duket qartë se Milanit do t’i kërkohet të shpenzojë shumë për të marrë në duar një sulmues me vlerë. Megjithatë, ndjesia është se sa më shumë kalon koha, aq më shumë rriten kostot, por edhe konkurrenca. Prandaj Djalli duhet të nxitojë.