Këto ditë të fundit të merkatos për Rossonerët do të jenë thelbësore për vazhdimin e këtij projekti.
Nga ky këndvështrim, në fakt, ka pritshmëri për të parë se çfarë do të ndodhë dhe sa kjo skuadër do të përforcohet. Arsyet për të shpjeguar pakënaqësinë e përgjithshme në ambjentet Rossonere janë të shumta.
Duke filluar nga poshtërimi i pësuar në ndeshjen e parë të kampionatit kundër Cremoneses, e deri te zhgënjimi për dështimet në blerje, Boniface fillimisht dhe më pas të Harder. Dy operacione që dukeshin se mbyllur më së miri, por që në fund u hodhën në erë.
Milan, blerje e re një sulm të ri pas Nkunku
Lexo më shumë
Blerja e Nkunku është një nga ato goditje që mund të ndryshojë rrënjësisht fytyrën e Milanit. Mbetet për t’u parë se si do ta përdorë Allegri, duke qenë se është një qendërsulmues atipik dhe më të mirën e jep ose si sulmues i dytë (një pozicion që nuk është parashikuar në planin aktual taktik apo që mbulohet nga Pulisic) ose si sulmues i majtë, ku zakonisht luan Rafa Leao.
Në këtë drejtim, Rossonerët po punojnë për një tjetër blerje surprizë në sulm, pra mesa duket po vjen momenti që mund më në fund do të zbarkojë edhe bomberi për të cilin ka aq nevojojë trajneri toskan.
Milan, ja bomberi për Allegrin
Me Vlahovicin që udhëton tashmë drejt qëndrimit të mëtejshëm te Juventusi, Milani po shikon përreth për të mos dështuar në zgjedhjen e futbollistit që duhet të jetë, në një mënyrë ose në një tjetër, maja e diamantit të kësaj skuadre.
Kështu pra, gjatë këtyre orëve është shfaqur një profil i ri, jashtëzakonisht interesante. Sipas kolegëve të Transferfeed.com, Milan i ka hedhur sytë kah Fotis Ioannidis, bomberi grek që aktualisht është në pronësi të Panathinaikos.
Më e bukura është se ka qenë pikërisht Ioannidis objektivi i Sporting CP për të zëvendësuar Conrad Harder, i cili ishte vendosur për t’u transferuar te Milani.
Dhe është pikërisht mungesa e akordit për të arritur te greku që pengoi edhe mbërritjen e danezit te Milani. Tani janë kuqezinjtë ata që mund të bëjnë një lëvizje për qendërsulmuesin, deri aty sa aktualisht po e konsiderojnë si objektiv shumë të rëndësishëm për sulmin.
Sipas Transfermarkt, Ioannidis ka një vlerë merkato prej rreth 15 milionë eurosh, një shifër padyshim brenda mundësive të kuqezinjve. Sezonin e kaluar, greku klas 2000 shënoi 11 gola në 42 ndeshje.
