Pas Luka Modric, i cili në fund të Botërorit për Klube do të bëhet zyrtarisht lojtari i ri i Rossonerëve, Milan është shumë afër mbylljes së mbërritjes së Samuele Ricci te Rossonerët, që do të blihet nga Torino për 23 milionë euro plus dy milionë të tjera bonuse. Të dy klubet kanë arritur një marrëveshje dhe tani presin thjesht që mesfushori italian të rikthehet nga pushimet për hapat e fundit kalimit zyrtar.
HAPI I MADH – Kështu e cilësojnë kolegët e të përditshmes së madhe sportive Tuttosport, kalimin e Riccit te Milani, duke shtuar se futbollisti do të mbërrijë gjatë kësaj jave në Milano për të bërë vizitat mjekësore dhe për të firmosur kontratën me vlerë 2.5 milionë euro në sezon. Pastaj, të hënën e ardhshme, përveç ndonjë surprize, do të jetë në Milanello për grumbullimit klasik të skuadrës të fillimsezonit. Ish-granata tani do të duhet të provojë se është gati të bëjë hapin e madh në një top klub dhe një dorë të madhe do t’i japë Modric, i cili u mor nga Milan edhe oër të qenë një shembull për tu ndjekur nga më të rinjtë.
NJË BAST, SI ME PIRLON DHE TONALIN – Ricci mbërrin te Rossonerët si një bast sepse duhet ende të bëjë kalimin përfundimtar, hapin e madh drejt cilësisë. Dhe në këtë kuptim, kolegët e Tuttosport e krahasojnë me Andrea Pirlon dhe Sandro Tonalin, të cilët kur zbarkuan në Milanello nuk ishin as ata mesfushorë të nivelit të lartë. Përkundrazi, i pari ishte në lënë krejtësisht mënjanë te Interi, ndërsa i dyti kërkonte konfirmim pas një sezoni të mire te Brescia. Në klubin e rrugës Aldo Rossi, shpresoher që Ricci të mund të ndjekë hapat e tyre, edhe falë drejtimit të Massimiliano Allegrit, i cili te Juventusi ka treguar se di të punojë mirë me lojtarët e rinj.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
