Milani do të jetë skuadra e parë që do të nisë zyrtarisht sezonin 2025-26, përfshirë big-ët që nuk do të gëzojnë pushime ekstra me përjashtim të vetëm dy lojtarëve, pjesëmarrja në Milanello nuk do të jetë e detyrueshme, por de facto do të jetë shumë më e lehtë të menaxhohet ritmi i ditëve të pushimit duke qëndruar në qendrën sportive Rossonere. Trajneri i ri (i vjetër) i Milanit, Max Allegri, dëshiron të rikthehet me stil dhe edhe të përfitojë nga një kampionat pa impenjime të tjera, pa kupa evropiane, për ta rikthyer skuadrën në krye të klasifikimit në Serie A dhe pse jo, edhe në njërën prej tri shkallëve të podit evropian të vitit të ardhshëm. Për këtë arsye, trajneri livornez ka vendosur rregulla edhe për pushimet verore, me objektiv, krijimin menjëhershëm të një grupi të fortë dhe me një identiteti të qartë.
Që këtë të premte lojtarët paraqiten për vizitat e zakonshme mjekësore të ritit para grumbullimit veror që do të fillojë zyrtarisht të hënën, më 7 korrik, më herët se datat 10-11 korrik të planifikuara fillimisht.
Tanimë lojtarët do të duhet të respektojnë disa rregulla për të qenë pjesë e Milanit të Max Allegrit.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
- Nuk do të ketë asnjë ditë pushimi shtesë për lojtarët që do të marrin pjesë në ndeshjet e kombëtareve përkatëse. Të gjithë big-ët që kanë qenë të zënë që nga fillimi i qershorit – me mbarimin e kampionatit – me skuadrat e tyre kombëtare përkatëse do të duhet të jenë menjëherë të disponueshëm. Përjashtime do të jenë vetëm dy, përkatësisht Santiago Gimenez dhe Luka Modric: i pari është aktualisht i zënë me Meksikën në Golden Cup, ndërsa i dyti është ende në dispozicion të Real Madridit në Botërorin për Klube.
- Do të ketë dy seanca stërvitore në ditë, një në mëngjes dhe një në pasdite. Për të shmangur orët më të nxehta të ditës, ato do të organizohen në orare më të freskëta (stërvitja e mëngjesit nga ora 9:30, stërvitja e pasdites nga ora 18).
- Grupi ndërtohet në grumbullim dhe qëndrojnë të gjithë bashkë. Allegri nuk imponon asnjë detyrim për të fjetur gjatë natës në Milanello, por të gjithë lojtarët do të jenë të detyruar të hanë mëngjes dhe darkë së bashku.
Po Allegri? Gjatë gjithë kohëzgjatjes së tërheqjes verore, do të qëndrojë në qendrën sportive Rossonere dhe do të flejë në dhomën me numër 5, e cila ka “streguar” disa nga trajnerët që kanë bërë historinë e klubit, duke u shndërruar një dhomë “mitologjike”.
