Milan, Furlani predikon: “Kemi kohë”. Por a jemi të sigurt që kemi kohë? Për një merkato ideal, duhet një blerje në çdo 3 ditë

Si këto kohë, një vit më parë, Milani i kishte mbyllur të gjitha blerjet të cilat më pas do të karakterizonin seancën e merkatos verës, përveç Musah, Pellegrino dhe Joviç. Në dispozicion të Piolit ishin Sportiello, Romero, Loftus-Cheek, Pulisic, Reijnders, Okafor dhe Chukwueze. Ndërsa këtë vit, dëri më sot, numërimi ndalet në dy: Alex Jimenez, i blerë përfundimisht nga Real Madrid dhe Alvaro Morata, i blerë nga Atletico Madrid duke paguar klauzolën prej 13 milionë euro.

“Filozofia është të përmirësojmë ekipin. Vitin e kaluar bëmë shumë ndryshime sepse ishte e nevojshme të ndryshonim paksa ekipin, këtë vit do të jetë një punë më e shënjuar sepse themelet bazat i kemi. Nuk është e drejtë të thuhet se ne kemi për qëllim të rinjtë ose për një lloj tipologjie specifiket. Puna që bëjmë, ashtu siç bëjnë edhe klubet e tjera,  është të shohim kritere të ndryshme. Kur analizojmë blerjet e ndryshme nisemi nga scouting që sigurisht është shumë i rëndësishëm, ka të dhëna, për të cilat flitet shumë, të cilat na ndihmojmë në zgjedhje – një përbërës i rëndësishëm ky edhe pse nuk jep zgjidhje në vetvete -, shihet historia mjekësore dhe personaliteti i lojtarit, si dhe padyshim tema financiare. Këto janë të gjithë elementet për zgjedhjen e një lojtari, edhe nëse nuk ka ka karakteristika domosdoshmërisht që në fillim, që të tregojnë vetëm për këtë apo atë lloj”. Këto janë fjalët e Giorgio Furlanit më 15 prill në DAZN, me CEO-n kuqezi që ka dashur të bënte menjëherë një sqarim për nevojat e ndryshme. Vitin e kaluar Milani kishte nevojë të bënte një revolucion të vogël, dhe kështu ndodhi, ndërsa këtë vit vëmendja do të ishte në vetëm disa goditje, por të shënjestruara.

 “Goditje të shënjestruara” që të gjithsesi po i presim, duke parë boshllëqet e shfaqura nga skuadra gjatë sezoneve të fundit, duket të jenë mjaft të qarta: një sulmues për të zëvendësuar Giroud, një mesfushor (për të mos thënë dy) me karakteristika të spikatura mbrojtëse, një qendërmbrojtës mëngjërash dhe një mbrojtës i djathtë potencialisht titullar. Deri më sot, me rreth tre javë të mbetura deri në fillimin e Serie A, i vetmi vend i mbuluar është ai i sulmuesit në majë të diamantit. Por Morata, i cili tani po ndjek një periudhë pushimesh pas fitores së Kampionatin Evropian si kapiten me Spanjën, do të mbërrijë në Milanello vetëm më 10 gusht, shtatë ditë përpara hapjes zyrtare të kampionatit, në ndeshjen Milan-Torino.

Fonseka pra, në pritje të blerjeve të tjera që janë pashmangshmërisht të vonuara, po punon me një organikë që jo vetëm nuk është përforcuar në krahasim me vitin e kaluar, por edhe pa Olivier Giroud dhe Simon Kjaer, si dhe me të gjithë lojtarët e kombëtareve që dalë-ngadalë do t’i bashkohet turneut në SHBA: dje ishte radha e Musah dhe Pulisic.