U desh pak kohë që merkato e transferimeve të Milanit të ngrihej dhe vetëm pak ditë përara fillimit zyrtar, skuadra në dispozicion të Paulo Fonseca është praktikisht e kompletuar. Prioritet ishte padyshim blerja e një sulmuesi që të mund të merrte trashëgiminë e Olivier Giroud dhe Djalli, pasi pa që negociatat për Zirkzee të dështonin, zgjodhi Alvaro Moratën.
Më pas mbërriti Pavloviç, qendërmbrojtësi mëngjërash që nevojitej për të kompletuar repartin mbrojtës të trajnerit portugez, i cili gjatë orëve të ardhshme do të ketë edhe mbrojtësin e djathtë. Mund të mos jetë lojtari që tifozët prisnin, por Emerson Royal ka qenë objektivi i parë i Geoffrey Moncada për rolin e anësorit të ulët që nga fillimi i verës. Në fakt, pra, mungon vetëm mesfushori për të kompletuar merkaton, ai Fofana që po vonon të mbërrijë për shkak të rezistencës së Monakos, e cila kërkon 35 milionë euro të mira për një lojtar të cilit i skadon kontrata pas pak më pak se një viti, në qershor 30 2025. Pra, negociatat janë në ngërç, me Djallin që po konsideron edhe lojtarë të tjerë, në rast se marrëveshja dështon plotësisht.
Megjithatë, është folur dhe shkruar shumë për mundësinë e elementëve të tjerë të rinj, për të kompletuar më tej skuadrën dhe për ta bërë më konkurruese. Nuk është sekret që Samarxhiç dhe Abraham janë po ashtu në listën e Milanit, por është e qartë se dikush do të duhet të shitet për t’i parë ata të vishen kuqezi.
Por pyetja që bëjnë shumë tifozë është nëse dy lojtarët janë vërtet të nevojshëm. Jovic dhe Okafor, në fakt, mund të jenë dy alternativa serioze për Alvaro Moratën.
Përsa i përket mesfushorit sulmues, i cili efektivisht do të luante si mesfushor, duke u bërë alternativë e Pulisiçit, edhe në këtë rast zgjidhja do ka kishim në shtëpi. E kemi fjalën qartësisht për Liberalin, i cili po vazhdon t’i mahnisë të gjithë. Djaloshi i ri e luan rolin në mënyrë perfekte dhe pasi magjepsi Amerikën, shënoi edhe golin e parë të Milan Futuros dje në një ndeshje zyrtare.
Fonseca po synon gjithnjë e më shumë të përqëndrohet tek ai. Playmakeri i ri do ta ndante kohën mes skuadrës së Bonerës dhe Milanit të të mëdhenjve, pak a shumë ashtu siç do të bëjë edhe Jimenez. Spanjolli ishte shënuesi i golit të dytë ndaj Leccos, duke treguar se tek ai mund të kihet besim. Ndoshta më shumë se Terracciano do të jetë ish- Real Madridi zëvendës i Theo Hernandez. Të rinjtë kërkojnë hapësirë dhe Fonseca po përgatitet t’ua japë.
