Milan, e bujshme: tani po mendojmë për një goditje të madhe që në janar! / Më të fundit

Po punohet goxha te Milani në funksion të seksioneve të ardhshme të merkatos. Dëshira e klubit është që të vazhdojë të ndërhyjë me blerje të reja e të një kalibri të rëndësishëm, duke u përqëndruar gjithmonë te lojtarët me cilësi të lartë edhe në nivel ndërkombëtar. Dhe një sy do të jetë gjithmonë mbi mundësitë e mundshme të merkatos, pra te ata lojtarë, kontratat e të cilëve skadon në fund të këtij sezoni dhe për këtë arsye do të jenë të disponueshëm me kosto zero që nga qershori i ardhshëm.

Në fakt, në listën e Milanit janë objektiva si Juan Miranda – mbrojtës i majtë në skadencë kontrate me Real Betis – dhe Medhi Taremi – qendërsulmues që do të largohet nga Porto me parametra zero, edhe ky në fund të sezonit. Për të dy (dhe për të parin në veçanti) kuqezinjtë mund të bëjnë një përpjekje që në janar për të paraprirë goditjen dhe për të djegur konkurrencën. Por orët e fundit ka dalë edhe një tjetër emër surprizë, ai i një lojtari të madh në skadencë kontrate dhe që do të kishte përfunduar në shënjestrën e Milanit.

Kështu pra, sipas zërave të fundit të merkatos që po qarkullojnë këto orë, Milani do të ishte i vëmendshëm edhe ndaj situatës që ka të bëjë me Piotr Zielinski, kontrata e të cilit skadon në qershor 2024 me Napolin. Për momentin nuk duket se ka hapësira për rinovim dhe për këtë arsye kuqezinjtë po monitorojnë dhe po e ndjekin polakun, i cili i pëlqen si drejtuesve ashtu edhe trajnerit të Milanit. Një profil i cilësisë dhe përvojës së madhe si në Serie A ashtu edhe në nivel evropian, Zielinski do të ishte i përsosur edhe në nivel taktik. Megjithatë, i duhet kushtuar vëmendje edhe konkurrencës së Juventusit, duke qenë se Giuntoli (i cili e njeh shumë mirë) thuhet se është në gjurmët e mesfushorit klas 1994.