Merkato shpesh është e paparashikueshme. Strategjitë që një klub ka në qershor mund të tjetërsohen nga ajo që mund të ndodhë, midis aferash të paparashikueshme apo dëmtimeve që detyrojnë një klub të kërkojë një zëvendësues. Është pikërisht ky rasti i Real Madridit. Kështu, Blancos kanë humbur Eder Militao, i cili ka pësuar një këputje të ligamentit në gjurin e majtë. Dhe për zëvendësuesin, spanjollët po kërkojnë në casa Milan.
Në fakt, në Spanjë janë të sigurtë: Real Madrid i ka vënë syrin Malick Thiaw. Mbrojtësi gjerman ra në sy goxha sezonin e kaluar, duke dëshmuar se ka atë që duhet për të siguruar një vend prej titullari në dyshen qendrore. Edhe në periudhën më të errët të sezonit të kaluar, qendërmbrojtësi u tregua i pjekur dhe i qëndrueshëm, pa humbur nëpër vështirësitë e skuadrës. Vitin e kaluar, klasi 2001 koleksionoi 20 prezenca në Serie A dhe 4 në Champions League.
Gjatë dritares së fundit të angazhimeve me skuadrat kombëtare, rosoneri meritoi gjithashtu edhe debutimin me fanellën e Gjermanisë, pas militancës në U-21. Një paraqitje e rëndësishme kjo që nuk i ka shpëtuar as në Madrid. Për klubin spanjoll, gjermani do të ishte një nga emrat në krye të listës për të zëvendësuar Militaon, i cili do të jetë jashtë fushave për pjesën më të madhe të sezonit. Mbetet për t’u kuptuar pozicioni i Milanit.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
