Milan, e ardhmja buzëqesh: Pioli, lojtarët e mëdhenj dhe të rinjtë me perspektivë

Milani po shijon një pauzë si lider pra, me një qetësi relative. Të paktën këtë javë të parë, me pjesën më të madhe të ekipit vërdallë nëpër botë. Pastaj, duke nisur nga e hëna do të bëhemi sërish seriozë, me triptikun Juve-Psg-Napoli në shënjestër. Por, kjo qetësi nuk vjen vetëm nga rezultatet sportive të arritura deri më tani, por edhe nga vetëdija se kuqezinjtë janë aty ku janë për të qëndruar në kohë.

Pioli, si të mëdhenjtë

Këtë mëngjes, janë kolegët e të përditshmes La Gazzetta dello Sport që na zbulojnë disa nga arsyet se përse Djalli mund ta shohë të ardhmen me optimizëm. Së pari, pa i ardhur shumë rrotull fjalëve, është Stefano Pioli. Përveç Atalantës me Gasperinin, asnjë klub i Serie A nuk mund të krenohet me një vazhdimësi më të madhe në pankinë, një aspekt ky që nuk mund të nënvlerësohet në futbollin e sotëm. Katër vjet në krye të Milanit dhe përshtypja për se mund t’ja arrijë t’i kalojë gjithmonë momentet e vështira, siç edhe ka ndodhur këtë vit pas humbjes së rëndë në derbi. Dhe tani Pioli shënjestron të mëdhenjtë e pankinës së kuqezinjve. Gjendet vetëm katër fitore pas Sacchi dhe dy nga kufiri i 200 fitoreve në total me Milanin. Gjithnjë krahasuar me Sacchin, skuadra e tij ka shënuar (pavarësisht 22 ndeshjeve më pak se paraardhësi) 12 gola më shumë, 340 kundrejt 328. Por përtej shifrave dhe golave, ato që kanë rëndësi janë rezultatet dhe Pioli, nga sa shihet nga Milanello, po i arrin ato dhe ka për objektiv arritjen shifrave të reja dhe më të mira.

Të mëdhenjtë dhe të mëdhenjtë e nesërm

Por Pioli, pa substancën e duhur, nuk do të mund t’i kishte arritur këto rezultate. Milani, pas vitesh të errëta, është rikthyer të ketë lojtarë vërtetë të mëdhenj. Në këtë kuptim, talenti i Rafael Leaos është i padiskutueshëm dhe klubi i rrugës Aldo Rossi nuk e la të ikë pasi e pati zbuluar: numri i ri 10 i kuqezinjve është i blinduar me një kontratë deri më 2028 dhe skuadra rrotullohet rreth tij. Dhe jo vetëm. Një tjetër lider total është Mike Maignan dhe që së shpejti do të ketë edhe për të një përpjekje për t’ia zgjatur qëndrimin në Milanon Rossonere: kontrata e tij aktuale skadon më 2026 ndaj nuk ka nxitim, por duhet filluar të mendohet për këtë. Dhe pastaj janë Giroud dhe Theo që plotësojnë trion franceze. 37-vjeçarit së shpejti do t’i kërkohet të rinovojë edhe për një vit. Por Milani sheh edhe të rinjtë. Para së gjithash te ata që ka në shtëpi që duhen lënë të rriten. Eksperimenti Bartesaghi ka shkuar mirë, por të tjerë premtues mund të vijnë së shpejti: Camarda dhe Scotti mbi të gjithë, por jo vetëm ata. Edhe merkato mund të sjellë freski organike: për verën e ardhshme po flitet për Juan Miranda, 23-vjeçar i Betis, kontrata e të cilit është në skadencë dhe mund të merret si zëvendësi ideal i Theos. Me pak fjalë, themelet janë, edhe idetë gijthashtu: projekti është i gjallë.