Janë 15. Real Madridi i Carlo Ancelottit konfirmohet si i pamposhtur në finalet e kompeticionit më të lartë evropian dhe madje fiton të pesëmbëdhjetën Champions League të historisë së tij, më shumë se dyfishi i ndjekësit më të afërt (Milani me 7). Protagonist edhe në finale, si zakonisht, ishte Vinicius Jr. Menjëherë pas ndeshjes, në frekuencat e Sky Sport, ish futbollisti, tashmë opinionisti Paolo Di Canio, krahasoi mentalitetin e brazilianit me atë të të tjerëve. Edhe pse pa e deklaruar kurrë drejtpërdrejt emrin e tij, duket qartë se referenca kritike e Di Canio-s ishte ndaj sulmuesit të Milanit, Rafael Leao.
“Vinicius nuk e ka repin si prioritet mbi futbollin”
“E kuptuat mentalitetin, urinë dhe zemërimin e Vinicius? Sigurisht që ka hobet e tij, do të argëtohet me miqtë dhe të luajë playstation si të gjithë djemtë e moshës së tij, por nuk e ka prioritet të nxitojë në stërvitje sepse duhet të regjistrojë këngë rap për 8 orë rresht, duke e vendosur këtë si prioritet më shumë se të luajë. Nuk është se e kam me ndonjë, por është humbje energjie, sidoqoftë. Duhet të pushosh dhe të rigjenerohesh”.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
