Milani po përgatitet të presë Cagliarin, ndeshje që do të drejtohet nga Matteo Marchetti. Me Stefano Alassio dhe Alessandro Cipressa si asistentë dhe Daniele Perenzoni si gjyqtar të katërt. Për sallën në Lissone, u zgjodhën si VAR Aleandro Di Paolo dhe si AVAR Giacomo Camplone. Sergio Conceicao deri më tani ka fituar dy herë në po aq ndeshje, ndërsa ndaj sardëve është në kërkim të fitores së tretë rresh.
Përveç çështjeve në fushë, në botën e sotme lajm përbën edhe jeta e lojtarëve, veçanërisht kur bëhet fjalë për futbollistët e Milanit, të cilët janë vazhdimisht në qendër të vëmendjes. Midis tyre, ajo që ka të bëjë me Theo Hernandez është e pabesueshme, sigurisht jo me një konotacion pozitiv. Mbrojtësi francez është akuzuar për sulm seksual në qershor 2017, kur ai luante për Alaves, si i huazuar nga Atletico Madrid (më 5 korrik 2017 iu bashkua Real Madridit për 30 milionë euro).
Modelja Luisa Krmemleva dhe lojtari ishin takuar në një diskotekë në Marbella, me një marrëdhënie seksuale të mëvonshme në makinën e mbrojtësit të krahut të Milanit (atëherë te Atletico Madrid, por në kthim nga një huazim te Alaves). Pas rikthimit, ajo kishte gërvishtje në gjunjë, të shkaktuara sipas saj nga një shtytje e lojtarit. E gjithë kjo mohohet nga pamjet nga kamerat e vëzhgimit të klubit, ku shihet modelja duke u rrëzuar vetë, e më pas duke debatuar me miqtë e saj e duke rënë sërish përtokë.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Gruaja pretendon se ishte përdhunuar, ndërsa vendimi i Gjykatës së Malagës thotë krejt të kundërtën. Gjithnjë duke lexuar vendimin, thuhet se ankesa e saj do të ishte një hakmarrje për faktin se Theo Hernandez nuk kishte pranuar ta ndiqte në shtëpinë e saj në një kohë të mëvonshme “duke përfituar nga fama” (shkruan gjyqtari) i futbollistit. Luisa Krmemleva u dënua me gjashtë muaj burg për shpifje dhe deklarata të rreme, rezultat i akordit për pranimin e fajësisë. Krahas dënimit me burg me kusht, dënimi përfshin edhe pagesën e gjobës prej 1800 euro për 6 muaj (10 euro në ditë).
