Sipas Arrigo Sacchi-t, e ardhmja sezonale e Milanit do të shkruhet në tre ditët e ardhshme: dy ndeshje, ajo e kësaj mbrëmjeje kundër Udinezes në kampionat dhe ndeshja e së martës kundër Paris Saint-Germain në Champions League. Në kollonat e të përditshmes sportive Gazzetta dello Sport, ish-trajneri i kuqezinjve kampionë të Evropës dhe të Botës flet për një kryqëzim të dyfishtë, vendimtar për djemtë e Piolit: “Nëse shkojnë mirë, atëherë mund të mendojmë për një zhvillim të mirë përcaktuar në muajt e ardhshëm; por nëse, shkojnë keq, do na duhet të arsyetojmë mbi atë çfarë shkoi keq”.
Për Sacchi-n, ai që do të shfaqet përballë Udinezes së Gabriele Cioffi sonte më 20:45 është një Milan i shëndetshëm: kuqezinjtë reaguan pas humbjeve kundër Juve-s dhe PSG-së duke luajtur një pjesë të parë të shkëlqyer në Napoli, u barazuan, e vërtetë, nga formacioni i Garcias, por mënyra se si u përballën me sfidën e Maradonës i ka pëlqyer nga trajneri i Fusignano, sot një nga opinionistët kryesor për La Gazzetta dello Sport: “U përpoqën të luanin – shpjegon ai -, të dominojnë, ta vënë në vështirësi kundërshtarin, me guxim dhe me ide të vlerësuara”.
Ky Milan – pretendon Sacchi – ka vetëm një rrugë për të bërë nëse dëshiron të shkojë vërtetë larg. Ish rossoneri mbi këtë pikë insiston prej muajsh: “Të jesh një skuadër, të sillesh si kolektiv, njëmbëdhjetë lojtarë gjithmonë aktivë me dhe pa top. Kompaktësia e skuadrës është thelbësore, sa më e shkurtër dhe sa më shtrenguar të jetë, aq më pak kundërshtarët do të gjejnë hapësira për të krijuar probleme. Për këtë arsye distancat mes reparteve, të cilat në këtë fillim sezoni Milani jo gjithmonë ka arritur t’i respektojë, bëhen vendimtare”.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
