Ndeshja e shumëpërfolur Milan–Como, e programuar për fundjavën e 8 shkurtit 2026, ishte gati të bëhej ngjarja më e madhe ndërkombëtare e Serie A jashtë Europës.
PERTH, NGA ËNDRRA TEK BLOKADA FINALE
Perth, me komunitetin e jashtzakonshëm të tifozëve kuqezi, kishte përgatitur terrenin për një super-spektakël që do të shërbente edhe si promovim global për futbollin kuqezi.
Lexo më shumë
Por sipas Gazzetta dello Sport, gjithçka ka ndryshuar: ndeshja pothuajse me siguri nuk do të luhet më në Australi. Për të shpëtuar projektin, duhet ndërhyrja e vetme e mundshme: FIFA.
PSE U RRËZUA OPERACIONI? KTHESE 180-GRADËSHE DHE KUSHTE TË PAMUNDURA
Gjithçka nis me stadiumin.
San Siro nuk është i disponueshëm në ato data për shkak të ceremonisë së hapjes së Lojërave Olimpike Dimërore Milano–Cortina 2026, duke detyruar Milanin të kërkonte një shtëpi të përkohshme. Për muaj të tërë, Perth u duk zgjidhja perfekte.
Dhe marrëveshjet kishin arritur nga të gjitha palët:
- Lega Serie A – dakord për të promovuar kampionatin jashtë vendit.
- Como – dakord.
- Konfederata Aziatike e Futbollit – dakord.
- Futbolli Australian – dakord.
Por më pas erdhën dy kushtet penguese:
- Ndeshja nuk mund të reklamohej si ndeshje e Serie A.
- Duhej përdorur një gjyqtar vendas, jo italian.
Dy rregulla që biejnë direkt ndesh me standardet dhe protokollet e kampionatit italian. Rezultati? Procesi u pezullua.
FIFA, SHPRESA E FUNDIT: OPERACIONI ENDE NUK KA VDEKUR
Dera nuk është mbyllur plotësisht.
Nëse FIFA ndërhyn brenda ditëve në vijim dhe jep dritën jeshile, projekti mund të reaktivizohet. Por koha është shumë e kufizuar dhe procedurat komplekse.
Milani, megjithatë, nuk mund të presë pafundësisht.
PLANI B: RIKTHIM NË ITALI, MILANI NË KËRKIM TË NJËË STADIUMI
Teksa shpresohet për një mrekulli globale, klubi i rrugës Aldo Rossi po punon paralelisht për zgjidhjet e mundshme. Mundësitë përfshijnë:
- Stadiume të lira për atë fundjavë,
- Zona pranë Milanos,
- Shembulli i Interit, që për Kupën e Italisë 2026 ka zgjedhur Monzën.
Dhe Perth mbetet thjesht një ëndërr e parealizuar.
Në orët e ardhshme pritet edhe vendimi i shumëpritur. E sigurt është vetëm një gjë: Milan–Como ka kaluar nga një event global në një mister të madh të Serie A, dhe skena futbollistike po pret me frymën pezull.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
