Me rastin e ‘Trofeut Berlusconi’ mes Milanit dhe Monzës, Gerry Cardinale, themeluesi dhe Managing Partner i RedBird, ka shkruar një tribut të gjatë për Silvio Berlusconin, ish-presidentin e kuqezinjve dhe të bardhekuqve. Ja fjalët e tij.
“Është me respekt të thellë që i bashkohem familjes Berlusconi – dhe të gjithë atyre që kanë pasur privilegjin të ndajnë historinë – për të bërë homazhe këtë mbrëmje në kujtim të një figure të jashtëzakonshme si ajo e Silvio Berlusconit.
Të gjithë ne kemi përgjegjësinë e madhe për ta ruajtur trashëgiminë e tij dhe për të kontribuar në rikthimin e Milanit në majat e përfaqësuara nga trofetë që i mahnisin të gjithë vizitorët në Muzeun Casa Milan.
Nuk është qartësisht e mundur të marrim përsipër këtë përgjegjësi pa qenë vetë ne, nga ana honë, të “fiksuar pas fitores”, por më shumë se kurrë në këtë moment jemi të vetëdijshëm për rëndësinë e nderimit të traditës, të vlerave dhe shpirtit që e bëjnë Milanin një simbol të ekselencës dhe krenari për shumë breza”.
