Milan, Capello: “Jashari, është i një tjetër lloji. Gimenez, disa dyshime. Vlahovic..”.

Fabio Capello, ish-trajneri i Milanit, flet për Jasharin si një goditje të madhe të Milanit. Ndërsa për Vlahovic deklaron se…

“37 milionë, përfshirë bonuset? Për një skuadër italiane, është një shpenzim i jo i vogël”. Fabio Capello, ish trajneri i Milanit, ka folur për goditjen Ardon Jashari, për Vlahovic, dhe jo vetëm për kolegët e të përditshmes së madhe sportive ‘La Gazzetta dello Sport’. Ja fjalët e tij: “E pranoj se e kam parë vetëm në Champions League vitin e shkuar, shumë pak për të pasur, dhe mbi të gjitha, për të dhënë, siguri absolute. Por djaloshi më duket i mirë, një potencial i nivelit të lartë në rol për të ardhmen. Shkurt, një blerje prej Milani, siç e kuptoj unë”.

Capello: “Jashari, goditje prej Milani! Nuk ka frikë. Nëse Vlahovic gjen..”

Efekti De Ketelaere? “Sinqerisht, Jashari më duket i një tjetër racë. Sigurisht, nuk po flas për talent, por për karakter. Kështu më thonë e madje duke e parë në fushë, jep përshtypjen e dikujt që nuk ka frikë nga asgjë. Belgu nuk ishte larguar kurrë më parë nga Bruges, qyteti i tij i lindjes. Ndërsa Jashari, është zviceran po, por me origjinë shqiptare. Situata të ndryshme”.

Edhe më për zviceranin

“Parasëgjithash, është larguar nga shtëpia një herë, kur nga Zvicra shkoi në Belgjikë vitin e kaluar. Që do të thotë se tashmë iu ka dashur ta provojë se është një që vlen aty ku askush nuk të njeh, madje ka fituar çmimin e lojtarit më të mirë të kampionatit, duke bërë mirë edhe në Champions League. Jashari më duket tipi që nuk tërhiqet kur është për të për të nxjerrë atributet apo për të dhënë atë pak më shumë për të fituar. Mund të jetë edhe zviceran, por në venat e tij shihet që pulson gjak ballkanik”.

Për lojtarët ballkanas që ka stërvitur: “Boban, Savicevic, Suker, Mijatovic… Ishte një tjetër futboll, por në disa zona nuk kanë vetëm talentin si virtyt. Janë njerëz që nuk e pranojnë humbjen. Dhe Milanit të sotëm, duke i shtuar Modric dhe Jasharin në fushë dhe Igli Taren në drejtim, i është dhënë një shtytje e vërtetë personaliteti brenda dhe jashtë fushës”.

Për Taren

“Është edhe për këtë që më bën të mendoj se është blerja e duhur. Igli është një drejtues ekspert, e di se çfarë duhet për të bërë mirë në një klub si Milani. Nëse Tare ka zgjedhur Jasharin, është sepse nuk ka parë vetëm një lojtar të shkëlqyer, por edhe një njeri të besueshëm në çdo këndvështrim. Nuk është tip që ia le gjërat rastësisë. Dhe të mos harrojmë Massimiliano Allegrin, i cili me siguri do ta ketë miratuar blerjen”.

Mungon një sulmues? “Epo, para së gjithash është çështje numerike: në organikë është vetëm Gimenez, i në gjashtë muajt e tij të parë te Rossonerët, ka lënë disa dyshime, siç nga ana tjetër bënë shumë të tjerë në skuadër”.

Për Leaon: “Rafa është një histori tjetër. Nuk ka dyshim se është një talent i madh, por deri më tani ka qenë shumë lunatik. Tani, nën drejtimin e Allegrit, pres që të jetë më i vazhdueshëm dhe vendimtar. Shenjat e para janë dhënë”.

Milan, Capello për qendërsulmuesin

Për Gimenez: “Diçka ka treguar, por shumë pak krahasuar me shpenzimet e klubit dhe pritshmëritë e të gjithëve pas mbërritjes së tij. Por duhet thënë edhe se tek Milani i vitit të kaluar pak gjëra shkuan ashtu si duhet, kështu që edhe Gimenez nuk mund t’i ketë të gjitha fajet”.

Vetëm me një qendërsulmues a mund të synohen majat? “E kam një përgjigje, por përpara se për bomberin, e kam për Allegrin, për një që di fitohet me skuadrat e mëdha. Pastaj, do të thoja se është më e lehtë të festosh në maj nëse ke një sulmues me 20 gola sesa kur nuk e ke”.

A mund Vlahovic të shënojë njëzet gola me Milanin: “I ka shënuar më parë te Fiorentina dhe në vitin e fundit me Max te Juventus, nuk ishte larg, pavarësisht disa vështirësive të përgjithshme. Dusan është një sulmues i zonës së penalltisë; padyshim që aftësinë për të shënuar e ka, nëse rifiton vetëbesim dhe shanse. E kam thënë disa herë: do të vinte me dëshirën për t’u shpaguar dhe me më pak presion. Nuk janë thjesht vetëm dy detaje…”.