Milan i Max Allegrit ka treguar shenja të qarta transformimi që në tre ndeshjet e para të Serie A. Ekipi është më kompakt, i vëmendshëm dhe i vështirë për t’u përballur nga kundërshtarët.
Organizimi i ri mbrojtës, me tre qendrorë dhe dy linja me nga katër në mbrojtje të zonës, e ka ulur në mënyrë drastike numrin e goditjeve të pësuara. Përmirësimin e konfirmojnë shifrtat: krahasuar me sezonin e kaluar, ndryshimi është i dukshëm si në goditjet e pësuara ashtu edhe në expected goals (xG).
Mbrojtja e Milan: shifra impresionuese në nivel evropian
Krahasimi me vitin e kaluar është i qartë. Në tre ndeshjet e para të 2024, ekipi kishte pësuar 53 goditje dhe 1.79 xG për ndeshje, shifra që e bënin të vështirë arritjen e rezultateve pozitive. Ndërsa këtë vit, kundërshtarët kanë goditur vetëm 16 herë drejt portës, me xG të ndalur në 0.23 për ndeshje.
Lexo më shumë
Mungesa e gabimeve individuale ka bërë diferencën: kundër Cremoneses dhe Lecces, ka patur vetëm momente sporadike shpërqendrimi, ndërsa kundër Bolonjës, mbrojtja funksionoi në perfeksion.
Shifrat që konfirmojnë primatin absolut
Nëse krahasimi zgjerohet në pesë kampionatet e mëdha evropiane, Milan mban një avantazh mbresëlënës.
Ndër 98 ekipet e marra në konsideratë, asnjë nuk ka shifra të ngjashëm: e dyta për gjuajtje të pësuara është St. Pauli me 23, ndërsa Roma dhe Barcelona pësojnë 25, Newcastle 26.
Expected goals tregojnë të njëjtën histori: Milan është në 0.23 xG të pësuar, Nantes e dyta me 0.46, dhe Athletic Bilbao e treta në 0.50. Trendi është i qartë dhe jo i rastësishëm: niveli i vëmendjes mbrojtëse është në shkallën e tij më të lartë dhe edhe Maignan dhe Terracciano mund të përfitojnë nga kjo mbrojtje.
