Milani po stërvitet këto ditë në Milanello pa praninë e shumë prej emrave të mëdhenj që i kanë shtyrë pushimet për shkak të angazhimeve të tyre nëpër kombëtaret respektive për në EURO 2024 dhe Kupën e Amerikës. Djalli do të niset për në Shtetet e Bashkuara të enjten ku do të marrë pjesë në Soccer Champions Tour dhe me rastin e këtij turneu përtejoqeanik do të përballet me tre ndër klubet më të mëdha sot në botë: me numrin 1, Real Madrid, numrin2 Manchester City dhe numrin 5, Barcelona. Në këtë fazë të parë të stërvitjes, Fonseca ia ka arritur t’ia transmetojë parimet e tij taktike vetëm disa prej titullarëve të sezonit të ardhshëm dhe të shtunën Djalli bëri paraqitjen e tij të parë të sezonit kundër Rapid Viennës. Tifozët kuqezi janë të etur për t’i parë të mëdhenjtë e skuadrës së tyre në fushë, por për disa do të duhet të presin madje edhe më shumë se sa pritej.
Plani i të rikthyerve
Puna e Fonsekës në Milanello ka nisur pikërisht dy javë më parë, trajneri i ri i Milanit pret të njohë edhe lojtarët e tjerë të kalibrit, si Rafael Leao dhe Theo Hernandez: por kur do të kthehen? Nesër do të duhet të rikthehet Luka Jovic pas Evropianit me Serbinë. Në turneun në SHBA do të riintegrohen edhe Christian Pulisic, Yunus Musah, Rafael Leao dhe Noah Okafor. Ndërsa sipas asaj që ka mësuar redaksia jonë, Theo Hernandez, Mike Maignan dhe Tijjani Reijnders do të mbeten në Milanello, për t’u stërvitur së bashku me të sapoardhurin Alvaro Morata. Ata do t’i bashkohen grupit pas rikthimit të tyre nga SHBA, të planifikuar për 8 gusht.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
