Ricardo Kakà ka shkruar faqe të rëndësishme në historinë e Milanit me të cilin praktikisht fitoi gjithçka. Fantazisti brazilian ka mbetur në zemrat e tifozëve kuqezi jo vetëm për paraqitjet e tij në fushë, por edhe për mënyrën se si e ka shprehur dashurinë e tij për fanellën jashtë drejtkëndëshit të fushës. Pasi zbarkoi në Milano më 2003 kur ishte vetëm një djalë fare i ri, u tërhoq si ikonë e klubit të rrugës Aldo Rossi.
Përvjetori historik
2 dhjetori 2007 është një datë historike si për Kaka ashtu edhe për Milanin: braziliani arriti kulmin e karrierës së tij personale duke fituar Topin e Artë, i fundit që e fitoi përpara fillimit të hegjemonisë Messi-Ronaldo. Kaka është edhe lojtari i fundit me fanellën e kuqezinjve dhe i Serie A që ka arritur ta fitojë këtë njohje.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Në sezonin 2006/2007, skuadra e Ancelottit u ngjit në krye të Evropës për të shtatën herë në histori, pasi ishte nisur nga ndeshjet paraeleminatore. Ish kuqeziu ishte protagonist në fundin e një sezoni të paharrueshëm, veçanërisht në Champions League: hat-trick kundër Anderlecht, gol në kohën shtesë kundër Celtic, dygolësh historik në gjysmëfinale në Old Trafford kundër Manchester United, si dhe asisti për Inzaghin në finalen kundër Liverpool. Kaka ishte edhe golashënuesi më i mirë i atij edicioni me 10 gola, gjithsej 18 plus 11 asiste në 48 paraqitje sezonale. Në jetën e tij dytë te Milani, ish numrit 22 gjërat i shkuan ndryshe. Skuadra nisi një periudhë të vështirë historike rindërtimi gjatë sezonit 2013/2014, kur Ricky bëri rikthimin e tij të madh falë misionit të Adriano Gallianit në Madrid, një nga goditjet e fundit të mëdha të drejtuesit të Monzës.
